Convocatoria das Probas de Aptitude Física para o acceso aos estudos de Grao en Ciencias da Actividade Física e do Deporte da Facultade de Ciencias do Deporte e a Educación Física para o curso académico 2019-2020 na Universidade de Vigo e A Coruña:

A Secretaría de Estado de Educación e Formación Profesional acaba de publicar as bases da décima edición do Programa "Campus Científicos de Verano", iniciativa da Fundación Española para a Ciencia e a Tecnoloxía, xunto co Ministerio de Educación, Cultura e Deporte.

Co obxectivo de potenciar o interese dos estudantes de 4º de ESO e 1º de Bacharelato pola ciencia, a tecnoloxía e a innovación, convocan 1.560 prazas para participar en proxectos científicos deseñados por profesores universitarios en departamentos de investigación de 13 Campus de Excelencia Internacional e Rexional, entre os días 30 de xuño e 27 de xullo de 2019.

Campus Científicos de Verano aposta polo fomento das vocacións científicas e, por este motivo, ofrece aos participantes a oportunidade dun contacto directo coa labor diaria dos investigadores nun ambiente universitario e multicultural, que lles axudará a definir a súa proxección futura de estudos. Ademais, os participantes nos Campus poderán gozar de actividades complementarias científico-culturais e de ocio.

O prazo para inscribirse remata o 1 de abril ás 13:00 horas. Máis información e o formulario de inscrición o podedes atopar na páxina web do programa:

Aqueles/as alumnos/as participantes no Programa CUALE 2019 interesados/as en participar nas probas de certificación das ensinanzas de idiomas deberanse matricular na EOI correspondente. O prazo de matrícula está aberto ata o 2/04/2019, e é necesario pasar previamente pola Secretaría do centro a retirar un certificado de estar matriculado en dita ensinanza.

Recordade que o alumnado CUALE 2018/2019 terá carácter de alumnado oficial a efectos do número de convocatorias, polo que disporá das convocatorias ordinaria e extraordinaria para superar as probas correspondentes, e non terá que aboar prezos públicos polo acceso ás probas de certificación.

No seguinte enlace podedes ver algún modelo de probas das EOIs de Galicia:

http://www.edu.xunta.gal/portal/sites/web/files/2018.03.16_modelos_probas_eoi_galicia.pdf

O luns 11 de marzo e o luns 18, ás 16:00, faranse visitas guiadas para que se poda coñecer o noso Instituto. 

Alejandro García Rodríguez, alumno de primeiro de Bacharelato do IES Río Cabe de Monforte de Lemos, recibiu hoxe na Cidade da Cultura de Galicia o segundo premio do Concurso de Carteis do 8 de marzo de 2019, Día Internacional da Muller, organizado pola Secretaría Xeral de Igualdade da Xunta de Galicia. No acto estivo arroupado polos seus compañeiros/as de clase. O premio consiste nun diploma acreditativo e cheque económico para o estudante agraciado e lote de publicacións para a Biblioteca do Centro. Así mesmo, inclúe unha viaxe á casa de Rosalía de Castro e ao Galipark, na que participará o alumnado que comparte clase co premiado. 

Os mozos e mozas que asistiron ao acto desta mañá aproveitaron a oportunidade para visitar tamén a exposición "Castelao Maxistral", na que se pode divisar por vez primeira en Galicia a obra A derradeira leición do mestre, e tamén "Valor e mestría. Galicia como fútbol", sobre a historia dese deporte na nosa Comunidade Autónoma.

Hoxe mércores 27 o alumnado de 1º ESO recitou na Biblioteca municipal de Monforte varios poemas de Rosalía de Castro. En coro ou alternando entre varios alumnos o recitado dos versos, foron encadeando poema tras poema nun simbólico acto de homenaxe a unha das principais voces da nosa literatura.

A actividade estaba organizada polo Concello e a Biblioteca para conmemorar o día adicado a dita escritora galega e nela participaron diferentes centros monfortinos. No noso Instituto foron as profesoras Tania Vázquez de L galega e Beatriz López de L.castelá as encargadas de preparar a actividade.

Estas son as alumnas gañadoras do concurso de fotografía "Cores de Outono" convocado pola ANPA do IES Río Cabe: Sofía Pavón (de 3ºB), Paula López (4ºA) e Marina García (4ºC).

As fotografías gañadoras son as seguintes:

Este é o estupendo cartel co que Alejandro García Rodríguez, de 1ºBAC B, conseguiu o 2º Premio do Concurso de carteis do 8 de marzo, convocado pola Secretaría Xeral de Igualdade. Dito traballo foi o elixido para representar ó noso centro no certame no que participaron numerosos centros de toda Galicia.

O mércores 27 de febrero os compañeiros da clase de Alejandro acompañarano a recoller o premio na Cidade da Cultura e aproveitarán a viaxe para ver 2 exposicións. Comunicáronnos tamén que a clase do alumno gañador será premiada ó longo do curso cunha visita a un parque temático de Galicia.

Noraboa!

Sandra Rodríguez Macía, alumna de 1º BAC A, premiada na fase local do "Certame de poesía Nadal 2018", recolleu tamén na Biblioteca Pública de Lugo o venres 22 o primeiro premio da última fase deste concurso, despois de competir con alumnos e alumnas de todas as bibliotecas da provincia de Lugo. O seu texto poético, que leva por título "A dor no Nadal", será publicado proximamente, xunto co resto de poemas premiados, nun volume colectivo.

O galardón está dotado de estatua de Sargadelos gravada, lote de libros e diploma.

Dende o departamento de Lingua Galega e Literatura facemos extensibles os nosos parabéns á alumna.

Na seguinte foto está a premiada coa súa profesora de L galega, Tania Vázquez, a quen a alumna lle adicou o premio cun emotivo poema.