IES Lamas de Abade

O pasado venres 15 de novembro celebramos no centro o tradicional magosto cunha morea de propostas de lecer, convivencia e saúde.

Como é costume o alumnado e profesorado de Imaxe Persoal puxo o seu bo facer, tanto en perruquería como en estética, para ambientar con fermosas maquillaxes e peiteados esta xornada.

O alumnado e profesorado de PDC organizou un concurso de sobremesas de castañas, no que o xurado de luxo puido degustar varias sobremesas e adxudicar os seguintes premios. A mellor presentación, o más saudable e sostible e o máis saboroso. Todo un agasallo para os sentidos!

Así mesmo contamos cun espazo de saúde, no que o alumnado de 2º de Farmacia nos ofreceu varios consellos acerca de botiquíns de outono, complementos nutricionais e dietas saudables para esta época, así como propuxo a participación de toda a comunidade educativa a través da recollida de receitas saudables de outono. Seleccionaron tres que se están repartindo entre toda a comunidade educativa.

O alumnado de 1º e 2º da ESO nos propuxo unha xornada de xogos tradicionais: 3 en raia, a corda, o bote boteiro, o pano, etc. Nesta liña, tamén o alumnado de educación física preparou unha multitudinaria e exitosa coreografía.

Tamén puidemos dar un paseo botánico no que o profesorado de bioloxía e farmacia acompañou cunha completa guía a visita ás especies que temos no campo do Lamas.

Grazas ao Programa de Inmersión Lingüística en inglés do Ministerio de Educación, Formación Profesional e Deportes, 25 alumnas e alumnos de 2º da ESO, acompañados polas profesoras Lupe Rodríguez e Sandra Romarís, desfrutaron de 6 días nun campamento en Robledo de Fenar (León). Alí puideron traballar a competencia oral da lingua inglesa en entornos comunicativos non formais a través da danza, dos xogos populares, da gravación e edición de vídeos, entre moitas outras actividades.

Unha experiencia inolvidable nunha paraxe inigualable que tiveron a sorte de compartir cun centro educativo de Sant Vicenç de Castellet (Barcelona) co que se entenderon á perfección desde o primeiro momento e do que saíron grandes amizades.

Desde o IES queremos amosar a nosa sensibilidade e o traballo na CULTURA DA SOLIDARIEDADE, o compromiso de participar nalgunhas das campañas que hai artelladas, e cando menos amosar o noso sentir e apoio ás vítimas desta traxedia inxusta e desastrosa.

Desde o IES declarámonos en unión con todas as persoas que estan sufrindo esta catástrofe.

O mércores día 30 de outubro, durante o recreo,  celebrouse no Lamas o Samaín.

O departamento de inglés organizou un concurso de decoración de cabazas de “Halloween” e outro de postres entorno a esa temática.

As compañeiras dos ciclos de imaxe persoal puxeron o seu bo facer para maquillar a alumnado e algún profesorado ambientando asi, con  caracterizacións excelentes, esa pequena festa, con desfile para lembrar a tradición entorno a data de Santos-Samaín.

Toda unha nota de cor e ambiente!!

Os días 7 e 8 de outubro o alumnado de Imaxe Persoal, tanto de perruquería como de estética, participaron na gravación do novo videoclip que realizou a Mekanika Rolling Band da man do tamén artista e produtor Carlos Roma.

Contan da experiencia que foi tan intensa como ilusionante, poder participar nun plató de gravación en directo, ser partícipes e artífices da maquillaxe e peiteado de actrices e actores coñecidos da RTVG, tamén persoas anónimas que fixeron este orixinal videoclip, foi unha ocasión perfecta para poñer a profesionalidade deste equipo en escena.

Compartiu o director Carlos Roma que foi unha gozada traballar co alumnado, atoparse con profesoras entusiastas, apaixonadas coa súa profesión que vivían o que facían e que poñían a súa cualificación e profesionalidade nas xornadas coa mellor das actitudes. O entusiasmo polo traballo ben feito!

Parabéns Isabel, Mariser, Carme, e todo o alumnado porque, máis aló do traballo deixastes, unha pegada emocionante e marabillosa no mundo farándula de calidade e chegaron parabéns de directores, produtores, artistas e en xeral tódolos participantes.

PARABÉNS A TODOS¡¡¡Aínda que non puidemos asistir, porque só podían ir 5 persoas, en Santiago de Compostela, o 3 de outubro de 2024, entregounos a Fundación Antonio Fraguas Fraguas o premio da XIII Edición do Proxecto Didáctico. Representantes do CEIP Lamas de Abade (Santiago de Compostela), o CEIP Apóstolo Santiago (Santiago de Compostela) e oCEIP Pérez Viondi (A Estrada), na categoría de ensino primario polo proxecto Viva o entroido vivo! Lingua, festa e comunidade recibiron o galardón de mans do secretario xeral de Política Lingüística, Valentín García Gómez; a presidenta da Fundación Antonio Fraguas Fraguas, Concha Losada Vázquez; o secretario da Fundación, Francisco J. Sanjiao Otero; e o coordinador do proxecto, Bieito Pérez Outeiriño, nun acto celebrado na Biblioteca Baltar do Museo. 

Si, ese noso Entroido no que cada ano recibimos a un Entroido singular de Galicia e con el imos percorrendo tódolos centros da nosa Bisbarra acompañados do “abadiño e os seus secuaces” e  mais dos XENERAIS do ULLA repartindo vivas e atranques enriba dos seus cabalos

Trátase, en palabras de Concha Losada, dun "proxecto que supón unha riqueza para a Fundación e para o Museo do Pobo Galego, porque permite a oportunidade de traballar durante un ano enteiro cos centros educativos". Na mesma liña manifestouse o representante da Xunta, que definiu a iniciativa como "un proxecto que non para de darnos alegrías", que cada ano medra en difusión e participación e que "permite que os centros leven ese patrimonio cultural sempre con eles". 

 O galardón está dotado con 7.000 euros por cada modalidade, dos que 4.000 entregáronse xa nes momento da concesión, para que os centros os empreguen na realización do proxecto. Será no comezo do curso académico 2025-2026 cando expoñan o resultado no Museo do Pobo Galego de Santiago de Compostela.

O Proxecto Didáctico Antonio Fraguas Fraguas (PDAFF), convocado pola Fundación Antonio Fraguas Fraguas en colaboración co Padroado do Museo do Pobo Galego, e que conta co patrocinio da Secretaría Xeral de Política Lingüística da Xunta de Galicia, pretende alentar entre a comunidade escolar a realización dun traballo sistemático orientado a impulsar o coñecemento dos máis diversos elementos da cultura galega. Continúase así o labor docente desenvolvido por Antonio Fraguas con moitas xeracións, dende os seus comezos na Estrada en 1933 ata a súa xubilación no Instituto Rosalía de Castro de Compostela en 1975, e co seu labor por e para Galicia ata o seu pasamento. 

No caso do proxecto Viva o entroido vivo! Lingua, festa e comunidade, o xurado valorou a incorporación de todos os centros escolares dos distintos niveis educativos da contorna e o traballo desenvolvido durante máis dunha década na representación das distintas manifestacións etnográficas e culturais do Entroido, así como a presenza das mulleres en actividades nas que ata agora estaban infrarrepresentadas, como os altos, vivas e atranques. Tamén a incorporación de Entroidos doutras zonas de Galicia permitirá recoller as múltiples expresións das distintas manifestacións etnográficas e culturais que representa o Entroido, así como o feito de que a presenza no proxecto do CIFP de Imaxe e Son vaia permitir utilizar un tratamento innovador do entroido.

 Premer na imaxe para consultar os libros de texto do curso 2024/2025.

NA PERRUCARÍA ELISIR COIFFURE ET BEAUTÉ EN POTENZA

NA FARMACIA MINERVA EN CATANIA

NA FARMACIA OBELISCHI EN CATANIA

HAI TEMPO PARA FACER TURISMO EN CATANIA

O pasado venres, celebrouse no centro a graduación do alumnado de 2º de BACH, nun acto moi cercano e emotivo, no que os rapaces e rapazas compartiron coas súas familias e co profesorado este momento tan importante nas súas vidas.

Desexámosvos moita sorte na nova etapa que comezades e esperamos que nunca olvidedes o voso paso polo centro.

O IES Lamas de Abade foi premiado no concurso Galicons-Net na categoría de Bacharelato, ciclos formativos de grado medio e grado superior de formación profesional e de educación de persoas adultas. Parabéns ao noso alumnado.

Prema na fotografía para ler o artigo