Os Departamento de Xeografía e Historia e o de Bioloxía e Xeoloxía organizaron unha visita ao Parque Arqueolóxico Rupestre de Campolameiro para o alumnado de 1º ESO. Alí puideron admirar os seus petróglifos e participar en varios obradoiros, como por exemplo o do lume. Remataron a xornada nunha marabillosa contorna natural como son as fervenzas de Barosa (Barro) e os seus antigos muíños de auga.

Moitas grazas a Olga Costa, presidenta do Refuxio de Animais de Cambados, por achegarse ao noso centro a falarnos do seu labor á fronte desta protectora. Os rapaces e rapazas de 2º ESO, representados por Sara Piñeiro e Leo Pilz, fixéronlle entrega da recadación acadada co noso sorteo solidario.

Este xoves día 20, ás 19:00 horas, organizada polo centro e coa colaboración co CFR Pontevedra e ENAPAS (Escola de nais e Pais), celebrarase no salón de actos do noso IES unha charla dirixida ás familias sobre os riscos de Internet que afronta o noso alumnado.

Un especialista da Garda Civil achegaranos valiosa información sobre temas tan sensibles como a ciberseguridade, a adicción ás redes sociais, o ciberacoso, a privacidade en Internet, a protección de datos, o sexting, o grooming ... 

Animamos a todas as familias que o desexen a achegarse ata o noso centro. Será sen dúbida unha charla moi interesante e instrutiva que nos permitirá resolver moitísimas dúbidas.