Lingua Galega e Literatura

HABITAMOS OS LIBROS

15ª SEMANA. 15ª PREGUNTA

No relato “Fría Hortensia”, pertencente ao libro Aqmor de Artur de X. L. Méndez Ferrín, hai un pote capaz de resucitar aos guerreiros mortos en combate (despois de mergullalos nel). Como se chama ese pote? (1 punto)

CONCURSO GAÑAPUNTOS

13ª SEMANA. 13ª PREGUNTA

CADA PALABRA É UN MUNDO

“¿Quen vai querer a un fidalgo idealista, trasnoitado e probe? O meu pazo de Lugo estáse afundi[n]do polos catro ángulos e cando fun aló atopéi os pergameos do Arquivo servindo de tapadeira ás olas da manteiga”.

Así fala o tío Adrián, home extraño na aldea e moito máis na vila (un bo prototipo de ser galego con conciencia). Aparece no libro A maorazga, de D. Ramón Otero Pedrayo.

A pregunta é: a que triloxía pertencen os tres libros que forman un todo (Os señores da terra, A maorazga e mais O estudante)? (1 punto)

Os Cazatesouros do noso Club de lectura visitan a biblioteca da Real Academia Galega. A bibliotecaria, Ana Menéndez, amósanos varias xoias bibliográficas. Entre elas a edición príncipe de Cantares Gallegos. Máis información proximamente no blog do club de lectura.

HIPOGRIFO VIOLENTO CLUB 

9ª SEMANA. 9ª PREGUNTA

A POESÍA DELONGA A VIDA 

O silencio da noite constelou a cidade

e escura luz esplende na vella pedra núa.

O vento mariñeiro canta na inmensidade

e sobe o mar amigo compasado de lúa.

O cristal tremolece na fondura da ría.

Na noite mariñeira son diamantes as horas,

e se cadra hai no mar unha melancolía

de alteirosas historias e cantigas sonoras.

Talvez luz ardorosa no fondo do mar dorme,

talvez se xeste ó lonxe un claro vento enorme

e os cabalos do abrente veñan galopear,

pero a noite é serena e vella a fría pedra,

e o silencio é de prata que leveda e que medra,

e sombrea a cidade receoso estrelar.

A PREGUNTA É: a que cidade dedica este soneto o poeta Darío Xohán Cabana?

(1 punto)

HIPOGRIFO VIOLENTO CLUB

 6ª SEMANA. 6ª PREGUNTA

Que é o "Caderno Escocés"? 

Atentos á pregunta da cuarta semana, pois puntúa o doble.

Os días 19 e 20 de abril un grupo de corenta alumnos de 3º da ESO fixo unha visita da vila portuguesa de Melgaço. Esta é unha saída máis das que o noso instituto ten organizado baixo o programa do Proxecto Terra, como en anos anteriores aconteceu por terras de Ferrol, Allariz, Guimarães, co obxectivo de aprender e vivir experiencias ao redor da defensa do patrimonio, a paisaxe, e a ordenación do territorio.

Nesta ocasión puidemos decatarnos, unha vez máis, da unidade territorial que forman Galicia e o Norte de Portugal, unha das eurorrexións da Unión Europea. O xoves 19 visitamos o Parque da Peneda-Gerês entrando por unha das súas portas, Lamas de Mouro, e tamén Castro Laboreiro. O grupo hospedouse na Pousada da Juventude, en Melgaço. Visitamos esta vila ao día seguinte: a súa torre medieval, o Museo do Cinema e mais o da Memoria (Museo da Memoria Fronteira). Reafirmámonos na nosa identidade galego-portuguesa e viñemos cheos de experiencias que nos indican o que somos e o que debemos ser. Os nosos meninos saudaron o río Miño e ficaron obrigados con Portugal.