Día da Ciencia na Rúa 2015

A Asociación de Amigos dos Museos Coruñeses tráenos unha nova edición do Día da Ciencia na Rúa. Esta vez a vixésima: vinte anos organizando un dos actos máis populares e queridos polas xentes das bisbarras. Os protagonistas son os rapaces, que co seu entusiasmo contaxian a tódolos visitantes, facendo que sexa unha ledicia visitar as 'jaimas' para ver as súas demostracións e descubrimentos.

Clicando no cartel podes ver o programa completo de actividades e os participantes. Lémbrate, será o vindeiro sábado 9 de maio. Ademais, os Museos Científicos serán gratuítos e terán uns programas repletos de contidos.