Job Shadowing en Finlandia
O xoves 27 de xuño ás 11 horas tivo lugar no Salón de Actos do Centro, a presentación realizada polo Catedrático de Matemáticas Luis Javier Rodríguez González e Coordinador de Proxectos Europeos, sobre a actividade de aprendizaxe por observación “Job Shadowing en Finlandia” realizada e subvencionada polo programa ERASMUS+ de Educación Escolar do Centro de Profesores e Recursos de A Coruña durante o mes de Abril.
Nela presentouse unha visión do sistema educativo Finlandés actual e das prácticas docentes observadas nos tres centros educativos de secundaria visitados: Helsingin Kielilukio, Etu-Töölö Upper Secondary School e Taivallahti Comprehensive School.
A presentación pode ser vista en formato PDF na web de Programas Europeos do Centro a través do seguinte enlace.