AVISO: Posible escenario de ensinanzas para o curso 2020-21
A Consellería de Educación publicou o 22 de xullo as instrucións para organizar o curso académico 2020-21 nas que implementaba un protocolo COVID que esixía unha distancia de 1 m entre o alumnado na aula e creaba un equipo COVID en cada centro escolar.
O Instituto Eusebio da Garda creou dito equipo que traballou dende o primeiro momento para adaptar o centro ás esixencias de dito protocolo. Ademais organizouse o próximo curso escolar tendo en conta as mesmas, organización similar á de cursos anteriores.
O 31 de agosto a Consellería publicou unhas novas instrucións nas que aumentaba a distancia entre o alumnado a 1,5 m. Isto obrigou a que o equipo COVID tivera que comezar case de cero o traballo, e ao equipo docente e directivo do Instituto a traballar en novos e diversos posibles escenarios, como o de pasar cursos á tarde, ensinanza semipresencial...
Todas as propostas conlevaban incremento no número de grupos para respectar as distancias, e loxicamente incremento no profesorado.
Nos días 10 e 11 de setembro a Consellería flexibilizou as esixencias de distancia: 1,5 m en xeral, e 1 m con mampara intermedia á esquerda e dereita de cada alumno. Espérase que as instrucións correspondentes sexan publicadas o 14 de setembro.
Polo tanto estamos a traballar noutro novo posible escenario que mantén a ensinanza presencial no mesmo horario de cursos pasados na ESO e no Bacharelato diúrno (mañás e tarde do luns).
Este posible escenario tamén contempla facer dous turnos distintos para os recreos do alumnado de ESO, coa finalidade de repartir a este alumnado nos espazos abertos de lecer.
Espérase que non haxa cambios respecto aos cursos pasado nas ensinanzas de Ciclos e Adultos.
Todo o anterior supón incremento de profesorado que solicitamos á Consellería. Tan pronto teñamos un escenario confirmado, o que pode tardar uns días, o faremos público nesta web.
A Consellería de Educación acaba de facer público que se atrasa unha semana o comezo do curso.
En canto sexa posible publicarase nesta web as datas e horario de recepción do alumnado.
11 de setembro de 2020 (última modificación as 17:10 h).