IES Castelao

A continuación podedes ver o traballo do alumnado de 2º PMAR sobre a sexualización da vestimenta dentro do Proxecta de Igualdade.

Outro traballo elaborado dentro do Proxecta de Igualdade, neste caso en Matemáticas orientadas ás ensinanzas académicas en 3ºESO C.

Presentámosvos a nosa "Guía sobre identidade de xénero, prevención contra o maltrato e as violencias machistas". Neste documento elaborado polo grupo de traballo de Igualdade do centro podedes atopar información diversa para identificar a violencia de xénero e desemitificar o amor romántico. Tamén podedes achegarvos a cuestións básicas relacionadas coa identidade de xénero e as relacións afectivo-sexuais.

Agardamos que esta guía nos sirva de base como punto de partida para a información, a reflexión e a sensibilización destes temas no noso instituto. Asemade, esta será a unha das moitas iniciativas que levaremos a cabo nos próximos cursos para facer do centro un espazo seguro e tolerante.

Velaquí temos outro proxecto da man do departamento de Bioloxía feito polo alumnado de 3º ESO B dentro do Proxecta de Igualdade. Neste caso o alumnado traballou na observación dos cambios do corpo feminino ao longo da vida.

Álbum: Curso 2021/2022 -> Cambios no corpo feminino

O departamento de Economía fixo unha interesante proposta de investigación ao seu alumnado de 1º de bacharelato sobre igualdade na publicidade, o tratamento da imaxe feminina nos medios, a hipersexualización da infancia...

Velaquí tedes os resultados nos arquivos adxuntos.

Publicidad infantil sexista

Igualdade na publicidade

A publicidade

Dentro do Proxecta de Igualdade o alumnado de 1º ESO realizou un traballo sobre a evolución do corpo das mulleres. Neste caso a actividade xurdiu da colaboración dos Departamentos de Bioloxía, Lingua Castelá, Debuxo e Inglés.

Álbum: Curso 2021/2022 -> Evolución corpo feminino

Dentro do programa de actividades para o Proxecta de Igualdade o alumnado de 4º ESO A estivo preparando e levando a cabo uns debates centrados na temática do corpo, a imaxe e a igualdade. En primeiro lugar traballaron o tema da influencia dos filtros e a cirurxía estética sobre a visión do propio corpo. En segundo lugar discutiron se hai prendas opresoras do corpo feminino, que discriminan ou sexualizan a quen as leva (por exemplo, o burka ou o tanga). O último debate tratou os pros e contras da abolición da prostitución, polémica que nos levou a pensar na libertade que cada individuo ten de decidir sobre o seu propio corpo.

Álbum: Curso 2021/2022 -> Debate proxecta

Esta é unha das cuestións plantexadas polo Departamento de Educación Física para reflexión do alumnado de 4º ESO dentro do Proxecta de Igualdade.

Con este traballo, intentamos que o noso alumnado reflexione sobre o sexismo na vestimenta deportiva das mulleres. Dita vestimenta pode ser asociada a unha sexualización da muller ou a un contexto cultural. A base esencial non é a vestimenta en sí, senón a incapacidade de elixir libremente entre diferentes opcións. En países islámicos as deportistas teñen a obriga de levar burka. Nalgúns deportes teñen a obriga de levar determinadas prendas.

A continuación podedes ver os traballos feitos en 4º ESO A para o Proxecta de Igualdade desde o Departamento de Lingua Inglesa. A temática enmárcase dentro das mulleres que tiveron que loitar para poder desenvolver tarefas propias de homes segundo a sociedade da súa época.

Todas elas son mostra da superación e afouteza das mulleres ao longo da historia.

Os Departamentos de Debuxo e Xeografía e Historia fixeron un traballo colaborativo de investigación sobre os diferentes accesorios empregados na vestimenta para modificar o corpo feminino ao longo da historia.

Podedes premer na seguinte ligazón para ver os traballos con detalle:

O corpo feminino modificado... Doe!

Álbum: Curso 2021/2022 -> O corpo feminino modificado