IES Castelao

Persépole (novela gráfica) Marjane Satrapi

O pasado mes de marzo comentamos en varios recreos a novela gráfica Persépole, de Marjane Satrapi.

A obra narra a propia vida da autora desde 1979 (cando tiña dez anos) ata 1994.

 Marji nace  nunha familia progresista, laica e de clase alta  de Teherán e, á diferenza do resto de nenos e nenas da súa idade, é  educada ao estilo occidental. Sempre tivo unha considerable inquedanza intelectual.

Tras a revolución islámica e a chegada ao poder deste  réxime relixioso, marcha a  estudar a  Viena, despois regresa á súa cidade a facer Belas Artes para, finalmente, volver a marchar do seu país.

A historia de Marji resultounos moi dura e fíxonos  reflexionar  sobre a guerra, sobre as diferenzas de clases e os costumes da sociedade islámica,  tan  distintos  e incomprensibles para nós. A autora  describe a sociedade iraniana  que xorde tras a revolución islámica como moi intolerante e inxusta, sobre todo para as mulleres, que debían levar  veo e que eran consideradas inferiores. Asemade fálanos das  terribles consecuencias para os que non acatan as novas  normas ou pensan de xeito diferente, o  que podía conlevar a morte.  Política e relixión están unidas neste réxime e deben estar separadas.

Na novela non hai cores, está debuxada en branco e negro e isto provoca tristeza, que é o que nos transmite o libro.

A historia é realista  e fíxonos pensar na diferente vida que se pode ter segundo onde nazas.

                                                                                       Daniela, Noelia e Rosalía (2º ESO C)