O 19 de febreiro de 2015, de 16.25 a 20.25, no CPI de Castoverde, terá lugar unha actividade de formación impartida polo profesor Marcos Castro Sandúa.

Nesta sesión trataranse e debaterase sobre diversos temas que contribúen á socialización preventiva da violencia de xénero; é dicir, a fomentar unhas relacións libres de violencia. Analizaranse as raíces da violencia, o seu estreito vínculo coa atracción e como isto é o resultado dun modelo tradicional e maioritario das relacións afectivo-sexuais nas que todos e todas nos socializamos. Verase tamén como desde a escola se pode contribuír a construír un modelo alternativo e de éxito que faga posible unhas relacións afectivo-sexuais plenamente satisfactorias.

O profesor Marcos Castro é profesor de Educación Secundaria e tamén profesor na Universidade de Barcelona, no Departamento de Teoría Sociolóxica. Desenvolve a súa investigación na liña da socialización preventiva da violencia de xénero desde o deporte e a Educación Física.

Agradecemos ó profesor Marcos Castro Sandúa a colaboración que ten prestado ó longo dos últimos cursos a través das actividades realizadas co alumnado de educación secundaria do CPI de Castroverde, como experto nestes temas.

Animamos a todas as persoas interesadas a asistir a esta sesión de  formación que se impartirá a través de videoconferencia desde Barcelona e que terá lugar na aula de 6º de Educación Primaria do CPI de Castroverde.

José María Delgado García que é Catedrático de Fisioloxía da Facultade de Ciencias Experimentais da Universidade Pablo de Olavide de Sevilla  e Director da División de Neurociencias desta mesma Universidade realizou unha sesión de formación sobre neurociencia e educación  no CPI de Castroverde.  Realizouse na tarde do venres  31 de xaneiro e asistiron tanto docentes como nais e alumnas. 
O profesor Delgado García explicou maxistralmente o que actualemente se coñece sobre o cerebro, a aprendizaxe e a memoria, achegando os últimos descubrimentos en Neurociencia á Comunidade Educativa. A súa intervención serviu para aclarar os numerosos NEUROMITOS ou ocorrencias que se difunden  actualmente  e que carecen  totalmente de base científica  e só son produto da imaxinación de determinadas persoas.
A súa contribución máis importante no ámbito das neurociencias é a serie de estudios sobre aprendizaxe e memoria, cunha liña experimental  que é orixinal do seu laboratorio e foi recoñecida  pola revista Science como un dos dez descubrimentos máis importantes do ano 2006.  O CPI de Castroverde quere manifestalle ó profesor Delgado García o  seu agradecemento por esta actividade  na que  nos explicou con gran claridade os últimos descubrimentos científicos sobre o cerebro.

Achégase un VÍDEO dun momento da súa intervención

O profesor José María Delgado-García licenciouse en Medicina e Cirurxía na Universidade de Sevilla, doutorouse en Medicina na mesma universidade, especializouse en psiquiatría e  tras varios anos completando  a súa formación en diferentes centros internacionais regresou a España para fundar o Laboratorio de Neurociencia da Universidade de Sevilla. A súa contribución máis importante no ámbito das neurociencias é a serie de estudios sobre aprendizaxe e memoria, cunha liña experimental  que é orixinal do seu laboratorio e foi recoñecida  pola revista Science como un dos dez descubrimentos máis importantes do ano 2006. O profesor Delgado foi presidente das Sociedades Españolas de Fisioloxía e de Neurociencias e polas súas contribucións científicas ten recibido varios premios como o XIII Premio Maimónides de Investigación Científica e Técnica. Actualmente é Catedrático de Fisioloxía da Facultade de Ciencias Experimentais da Universidade Pablo de Olavide de Sevilla  e Director da División de Neurociencias desta mesma Universidade.