A proposta do deseño do mural, inspirado na beleza da natureza da contorna, foi realizada por Ceibe Gil Fernández-Coronado, e foi elixida entre catro finalistas nunha votación na que participou toda a comunidade educativa. O mural foi elaborado por alumnos da materia Educación Plástica, Visual e Audiovisual dos cursos 1º, 3º e 4º da ESO, nun proceso no que participaron en tódalas fases dun proxecto creativo, dende a súa preparación ata a súa elaboración final; aprenderon nocións e técnicas básicas de deseño, debuxo e pintura mural, e tamén investigaron sobre o muralismo, street art e graffiti contemporáneos.