No mes de decembro rematamos coa primeira avaliación dos apadriñamentos. Comezamos co alumnado de 5º de Primaria, que realizaron unha práctica de detección de amidón con lugol en diferentes alimentos. O amidón é un glícido de reserva da maioría dos vexetais, pero nos animais non aparece de forma natural. Coa realización desta práctica, púidose comprobar que certos alimentos que consumimos a diario, como salchichas, salchichón, xamón cocido, mortadela, etc, posúen esta biomolécula, engadida co fin de darlles sabor doce, mellorar a súa consistencia, textura e aparencia e, en definitiva, reducir os custos. 

Para rematar, os de 6º realizaron unha extracción de ADN de tecidos vexetais, empregando chícharos.