O alumnado de primeiro e segundo de primaria aprendeu, grazas a unha sesión organizada poloConcello de Castroverde, sobre o emprego do contedor marrón.

Para celebrar o Día das Bibliotecas fixéronse distintas actividades como a lectura de Cocorico por parte de alumnas de 1º da ESO ao alumnado de Educación Infantil e o alumnado de 5 anos tamén  visitou a nosa biblioteca para escoitar un conto lido pola súa profesora. Gustoulles moito!
 
Asemade, organizouse un concurso de Knolling literario e fixemos entrega dos máis que merecidos premios. O xurado non o tivo nada fácil pola gran calidade das propostas presentadas. Noraboa ás gañadoras e gañadores e moitas grazas a todo o alumnado pola súa participación.

Halloween 2024 de Isabel Pérez García

Un ano máis o alumnado de EI e primaria e as súas familias demostraron que rebordan creatividade, como mostran os taballos realizados e expostos na entrada do edificio de EI e Primaria. Todos os participantes recibiron un pequeno agasallo.

O martes 29 de outubro o grupo de 2º da ESO visitou o castelo de Castroverde, unha fortaleza do século XIV. En lugar de dar a clase na aula, saímos camiñando ata a torre da homenaxe, aproveitando o sol dun día despexado. Alí, nos restos do que no pasado  foi un impresionante castelo de dúas hectáreas, aprendimos diferentes aspectos da vida medieval e, sobre todo, do noso castelo en concreto. Que importante é valorar o noso patrimonio!