dereitos dos nenos

O día 20 celebrouse o día dos dereitos dos nenos. Para iso, decorouse as entradas do noso cole con ese motivo e dende as aulas traballouse con algúns enlaces de internet.

É un día de celebración polos avances conseguidos, pero sobre todo é un día para chamar a atención sobre a situación dos nenos máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

O obxectivo de celebración do Día Universal do Neno é lembrar á cidadanía que os nenos son o colectivo máis vulnerable e, por tanto, o que máis sufre as crises e os problemas do mundo.

Lémbrase tamén con este día que os nenos teñen dereito á saúde, á educación e á protección, independentemente do lugar do mundo no que nacera.

Adicar un día internacional á infancia tamén serve para facer un chamamento mundial sobre as necesidades dos máis cativos e para recoñecer o labor das persoas que cada día traballan para que os nenos e nenas teñan un futuro mellor.

Por tanto, é unha ocasión especial para que todo o mundo coñeza os dereitos do neno.

Cuento La carta de los deseos

http://www.educapeques.com/cuentos-infantiles-cortos/cuentos-para-ninos/cuento-infantil-carta-deseos.html