Inicio

II Concurso da Biblioteca do Caselles

Enviado por Visitante o Lun, 31/01/2022 - 22:37

Con motivo da semana da ilustración, dende a biblioteca do Caselles convocamos o segundo concurso deste ano escolar. Desta vez, retámosvos a escoller un libro da biblioteca e deseñar unha ilustración sobre el.

Ampliamos o prazo ao día 11 de febreiro para presentar as vosas creacións, as cales serán posteriormente expostas no mercado de Tomiño.

 

Saca o teu lado mais creativo e… anímate a participar!




O Día da Ilustración celébrase cada ano o 30 de xaneiro, coincidindo día de nacemento de Castelao. Ademais de recordar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. Neste 2022 é Reimundo Patiño (A Coruña 1936-1985).

 

Entrega de premios do concurso "Unha mente que invente"

Enviado por Visitante o Lun, 31/01/2022 - 14:57

 

Hoxe fixemos entrega dos premios aos gañadores do concurso da biblioteca “Unha mente que invente”, no que o noso alumnado converteuse en científicos e científicas realizando uns inventos marabillosos.

Os gañadores do primeiro concurso da Biblioteca para este ano escolar foron:

 

  • Hugo G., no 1º nivel.
  • Daniela, no 2º nivel.
  • Izan e Xoel, no 3º nivel.
  • Nerea C., no 4º nivel.
  • Anair e Lucía, no 5º nivel.
  • Zaira e Sabela, no 6º nivel.

 

Todas as fotos AQUÍ

 

 

Parabéns a todos e moitas grazas por participar!

 

Maleta viaxeira

Enviado por Visitante o Mér, 19/01/2022 - 10:31

Bo día!

Chegou ao centro a maleta viaxeira, que contén libros e xogos relacionados co proxecto de centro “O camiño de Santiago”. A partires de hoxe están á vosa disposición na biblioteca do Caselles, animádevos!

Por un nadal cheo de lecturas

Enviado por Visitante o Lun, 20/12/2021 - 13:08

 

A piques de comezar as nosas vacacións de nadal, dende a Biblio do Caselles queremos recordarvos que na entrada da biblioteca tedes recomendacións lectoras para estas datas.

Por un nadal cheo de lecturas!

Dende o Equipo de Biblioteca queremos desexarvos unhas felices festas, nas que non falten saúde e moito amor.

 

A diversidade enriquécenos

Enviado por Visitante o Mér, 01/12/2021 - 14:11

 

Con motivo do Día Internacional das Persoas con Diversidade Funcional (o próximo venres, 3 de decembro), queremos recordarvos que na Biblio do Caselles contades co recuncho da diversidade, onde podedes atopar libros sobre esta temática, xunto a outras como: diversidade familiar, diversidade cultural, igualdade de xénero, educación emocional…

 

 

Polas capacidades diversas.

 

Se queres… poden!

 

25N: Día pola Eliminación da Violencia contra a Muller

Enviado por Visitante o Xov, 25/11/2021 - 13:51

 

Hoxe, 25 de novembro, conmemórase o Día pola Eliminación da Violencia contra a Muller. Na biblioteca podedes atopar libros sobre esta temática, que como sabedes están á vosa disposición, expostos xunto ao precioso mural feito polos vosos compañeiros e compañeiras.

 

 

Valiente:

Cuando su alma se quebró,
se oyó por fin su voz:
«Cuánto más me desprecies,
más me querré yo.
Cuánto más me niegues,
más me afirmaré yo.
Cuánto más me pegues,
más débil te harás tú,
más fuerte me haré yo»

María Míguez

 

 

Unha mente que invente

Enviado por Visitante o Mér, 10/11/2021 - 10:40

Bos días peregrinos!

 

 

 

Hoxe remata o prazo para recoller, na biblioteca, o sobre co que podedes participar no concurso “Unha mente que invente”. Estes días, fostes moitos os que se achegaron a recollelo, polo que debemos agradecer a vosa participación e… se es dos que aínda están dubidando, date presa!

Na entrada da biblioteca tedes inspiración para a realización dos vosos inventos que, de seguro, serán sorprendentes! Estamos desexando velos!

Concurso: "Unha mente que invente"

Enviado por Visitante o Ven, 05/11/2021 - 18:52

 

 

 

 

 

 

 

Atrévete a por a proba o teu inxenio e participa no concurso da biblioteca "Unha mente que invente". Pasa pola biblioteca, recolle un dos "sobres sorpresa" e... A inventar!

 

Contos de medo

Enviado por Visitante o Mar, 02/11/2021 - 14:00

 

 

 

 

 

 

 

Na entrada da biblioteca tedes unha selección de libros terroríficos para que gocedes da lectura. Atrevédesvos? 

Inauguración da biblioteca para o curso 2021-2022.

Enviado por Visitante o Mar, 26/10/2021 - 13:42

 

O pasado domingo, 24 de outubro, foi o Día das Bibliotecas Escolares. Por este motivo, onte celebramos a inauguración da biblioteca para este curso escolar coa estrea da película “Uncas, a historia do planeta que vive no Caselles”. Nesta produción os protagonistas son o alumnado voluntario de 6º de Primaria xunto coa nosa mascota, Uncas. 

Aquí deixamos un vídeo resumo desta xornada:

 

Queres coñecer esta historia ti tamén? A continuación podes visualizar a película:

 

Theme by Danetsoft and Danang Probo Sayekti inspired by Maksimer