Equipo de Normalización e Dinamización Lingüística

O pasado 25 de novembro celebramos no colexio DÍA INTERNACIONAL CONTRA A VIOLENCIA DE XÉNERO. 

Fusionamos dúas perspectivas, por unha banda as Tanxugueiras e por outra, a María Balteira. Así a tradición, o medieval e o moderno mestúranse, sempre tendo en conta o empoderamento destas mulleres de "armas tomar" e as súas circunstancias históricas.

Durante a semana estivemos traballando as letras das cancións das Tanxugueiras, e analizando a situación da muller e a violencia machista. Creamos uns cartaces con forma de pandeireta negra e plasmamos nelas uns versos das distintas cancións.

Demos visivilidades ao 25N e colocamos na fachada o lema Somos fortes, tamén penduramos as pandeireiretas cos versos da reixa de fóra.

O propio 25 vestímonos tod@s de negro e pintamos a cara, ademais tivemos un acto, onde nos manifestamos en contra da violencia, facendo fincapé nas víctimas do ano e na letra machista de determinadas cancións. 

Fixemos un baile coa canción das Tanxugueiras Figa, rematamos o baile cos puños altos en forma de figa e con "confeti" lila.

A Asociación Cultural Vagalumes, con motivo da conmemoración do aniversario de Olimpio Arca, informa do regreso dunha actividade moi agardada no mundo do ensino e do teatro do noso concello.

Logo da paréntese da pandemia, que impedíu gozar desta arte tan expresiva e liberadora en toda a súa dimensión, volve a Mostra de Teatro Escolar Olimpio Arca Caldas, que cumpre xa a súa quinta edición, e que facilita ao público en xeral o acceso a obras de calidade, ao mesmo tempo que pon en valor o traballo que se está a facer nos diferentes centros neste eido tan relevante da formación do alumnado.

As representacións realizaranse no Teatro Principal os días 29 e 30 de novembro, a partir das 18:30 h, cunha duración aproximada dunha hora. A entrada é libre e gratuíta.

O  noso centro actuará o vindeiro martes 29 de novembro, coa adaptación da obra de Manuel Núñez Singala O achado do castro medieval. 

Nas Galerías tedes algunhas fotos da celebración do Magosto.

Este mércores tivemos no colexio unha gravación dun programa de radio. O programa chámase Radio Emociónate, a emisora que o levou a cabo foi Si Radio. 

Temos unha exposición na entrada do colexio con paneis informativos sobre locutores, emisoras, historia da radio, radios antigas, gravacións...

Os alumnos e alumnas de 5º de primaria, foron locutores radiofónicos durante uns días. Fixeron entrevistas nas casas aos maiores, escribiron contos coa radio como protagonista e prepararon preguntas para facerlle unha entrevista a: José López, alcalde da Estrada; a Pablo "Chichas" locutor de radio Estrada; a Teresa Villar, filla de Manuel Villar Paramá que lle dá nome ao noso colexio; a Manuel Fuentes, ex alumno e profesor en prácticas do colexio; á titora de 5º e á directora. T

- La Voz de Galicia