·Entrega de diplomas dos gañadores no centro. Non só aos escritores e escritoras, senón tamén ás ilustradoras. Como este ano non puideron asistir á festa das palabras todos gañadores/as, desde o equipo de dinamización da lingua, fixéronse uns diplomas. Estes diplomas personalizados entregámosllos aos gañadores.
O Teatro Principal da Estrada acolleu onte a VIII Festa das Palabras, na que se fixo entrega dos premios do Concurso de Micropoemas e Microrrelatos, no que resultaron gañadores 62 alumnos/as, entre os que se atopaban seis do noso centro.
O vindeiro martes 1 de xuño terá lugar no Teatro Principal da Estrada a Festa das Palabras, á que, por mor da situación sanitaria actual, só acudirá un alumno/a por centro, elixido por sorteo de entre todos os gañadores/as.
O pasado 30 de abril, os alumnos e alumnas de 5º e 6º tivemos unha videoconferencia coa autora do libro PLAN DE RESCATE. Antía Yañez contounos o traballo previo que fixo para escribir o libro, a razón pola cal elixiu aos personaxes e por que lle gustan os libros de aventuras. Tamén lle respondeu aos rapaces e rapazas varias cuestións que foron xurdindo.
Este luns celebramos a festa dos maios no colexio, queremos seguir mantendo viva esta tradición, por iso enviámoslle información ás familias a traves deste diptico:
Escoitamos un poema de Curros Enríquez interpretado por Luis Emilio Batallán.
Para conmemorar a semana do libro fixéronse mútiples actividades no noso cole:
O MEU LIBRO FAVORITO
Cada neno e nena trouxo da casa o seu libro favorito, elaboraron unha ficha cun resumo e por que lles gustou e entre todos e todas fixemos unha exposición.
QUIXOTE
Os alumnos e alumnas de 3º estudaron sobre Cervantes, estan a ler o Quixote e elaboraron un mural.
MARCAPÁXINAS
Elaboramos marcapáxinas fomentando a lectura.
CONTACONTOS
Os máis cativos puideron gozar dun contacontos teatralizado baseado no libro A figueira de Pelostortos.