Este luns día 16 de xaneiro reunímonos de novo as faragullas de papel para comentar as nosas lecturas.  

No grupo de dentro da biblio adordaron a personaxe de Aine así como a de Ziggy Startdust dende o punto de vista da transgresión e amosarse tal e como son.

Na zona de fora da biblio sobre Garrincha falaron de Bea Maceda, das súas lecturas de nena e das súas obras. Afondaron no sentimento de Joao ao deixar Brasil e os seus desexos futuros: dedicarse ao fútbol.  Tamén comentaron os prexuízos das persoas que veñen doutros países, as diferenzas económicas entre países e moitos outros temas máis.

O tempo pasoulles moi axiña!

O alumnado de Belas Artes da escola de Pontevedra volveu a visitarnos esta vez cun obradoiro de ilustración relacionado cos seres míticos galegos e doutras culturas. Todos os alumnos e alumnas de 3º de Educación Primaria encheron os folios de criaturas fantásticas tal e como eles as imaxinaron utilizando rotuladores, lapis de cores e ceras blandas. Velaquí unha mostra das súas creacións. Esta actividade está enmarcada dentro do programa "Lectura e familias" e do proxecto "Cole Animal". Se queredes coñecer máis trasnos, sereas, urcos ou lobishome podedes coller este libro que temos na biblio de Antonio Reigosa. Seguro que vos encantará!

Este martes na biblio fixemos un obradoiro de escritura creativa co alumnado de 6º a cargo da mamá dunhas nenas do centro. O obradoiro chamouse: FANTASÍA ANIMAL DE CARRAL. A actividade tivo como obxectivo elaborar unha fauna fantástica a partir de animais coñecidos e presentes na nosa contorna. Partiron da presentación dalgúns seres mitolóxicos galegos e observaron un xogo de cartas coñecido como Fantasy Riders no que viron diferentes criaturas fantásticas. Tratouse dunha actividade imaxinativa na que as alumnas e o alumnos crearon un animal fantástico coa técnica da colaxe a partir de fotos de animais reais e, ademais, foron quen de describir as súas características máis peculiares dun xeito libre e creativo. Aquí vos deixamos unhas imaxes do momento e unhas recmendacións de libros que temos na biblio por se queredes seguir creando e imaxinando!

Diversidade afectivo-sexual de Alberte López Muñiz

POLO NADAL de Teacher Marta

    O venres 16 de decembro tres alumnos/as de Belas Artes da escola de Pontevedra viñeron facer un taller co alumnado de 5º A, B e C. O taller consistía en pintar animais coñecendo o traballo de  diferentes artistas como: Miró, Dalí... No seguinte vídeo podedes ver todas as imaxes. Esta é unha actividade enmarcada dentro do PDI do noso centro "Cole animal" e tamén na actividade "lectura e familias" (unha das mozas é a irmá dunha alumna do noso centro). Mil grazas, rapaces/as!

Como somos moitos no club dividimos os libros en dous grupos. As nosas novas lecturas son "El álbum de Garrincha" de Beatriz Maceda e "Mamá, quero ser Ziggy Stardust"  de Iria Misa.  Aquí vos deixamos as súas guías e ... ata a próxima quedada! Boas lecturas!

Nesta 3ª quedada do noso club de lectura fixemos un faladoiro onde compartimos as nosas lecturas e realizamos unha actividade en inglés. Nesta actividade falamos sobre Derdrín (o noso trasno portagonista) e unha choiva de ideas dos adxectivos cos que o describía autor no libro. Tamén falamos doutros trasnos semellantes que coñecían doutros libros e, por último, descubrimos diferentes "criaturas máxicas" dos bosques arredor do mundo. Para esto tiñan que ler unha descrición en parellas e buscar pola biblioteca a imaxe da criatura que lles tocara. Despois cada parella presentou o seu personaxe ao grupo e situouno no seu país correspondente. 

Nesta 2ª reunión do club de lectura puxémoslle o nome "Faragullas de papel", falamos sobre o libro "No corazón do bosque" de Agustín Fernández Paz e elaboramos chapas identificativas que inclúen o compromiso co galego. Velaí unhas imaxes! 

Un novo podcast de difusión cinetífica do alumnado de 5ºA neste caso sobre a auga potable e a súa importancia. 

     Convocamos o concurso de logos para representar o noso proxecto de centro "Cole animal". Descargade o formato do logo adxunto nesta publicación (tamén o podedes facer vós, é un círculo sinxelo), deseñade e despois entregádello ao voso mestre/a. Todos serán publicados na web e expostos e, ademais,  o elexido será o selo identificativo de todas as actividades que se fagan dende a biblio do proxecto. Animádevos a participar! Non olvidedes poñer o voso nome e curso e entregalo antes do 22 de decembro.

LECTURAS SOBRE DIVERSIDADE de Teacher Marta

novidadesPDIcoleanimal de Teacher Marta

Un novo programa de radio sobre os dereitos dos nenos/as e dos animais acaba de saír do forno desta vez da man do alumnado de proxecto competencial da clase de 3ºB. 

lecturas25nov de Teacher Marta