Estimadas familias:
Queremos informalos das actividades que temos previsto realizar no colexio para celebrar o Entroido.
Lamentablemente, debido á situación da pandemia, vai ser unha celebración diferente á que nos gustaría, xa que debemos limitar as interaccións entre os distintos grupos-clase, así como a participación das familias. Aínda así, e coas limitacións mencionadas, pretendemos darlle a maior normalidade posible e facelo máis ou menos semellante aos entroidos de anos anteriores. Por iso solicitamos a vosa colaboración para que os nenos e nenas ao longo da próxima semana veñan á escola con elementos diferentes. A proposta quedaría así:
Luns: algo na cabeza: sombreiro, coroa, lazo...
Martes: pixama.
Mércores: calcetíns longos, diferentes e visibles.
Xoves: mandil decorado.
Venres: disfraz libre.
O venres os recreos durarán algo máis do habitual e en cada aula repartiranse postres típicos de entroido (orellas, rosquillas...). Se algún neno ou nena é alérxico/a ou intolerante as estes produtos, debe traelos da súa casa, cos ingredientes que poida tomar.
Agradecemos a vosa colaboración.
Un saúdo cordial.
Profesorado do CEIP de Roxos
Roxos, 17 de febreiro de 2022
CARTEL
