Estimadas familias:
Desde o Equipo de Dinamización da Lingua Galega volvemos solicitar a vosa colaboración para unha actividade moi sinxela, semellante á que fixemos no mes de novembro.
Neste mes de xaneiro, cada neno e nena debe traer escrito nun papel que van levar os nenos e nenas un nome de persoa de home e outro de muller en galego. Deben ser nomes que non se digan da mesma forma en castelán. Por exemplo, serviría Antía (nome galego), pero non Daniel (ten a mesma forma en galego e en castelán).
Para esta actividade os nenos e nenas van levar a silueta dunha cara. Na parte superior (o que sería o pelo) pódese escribir un nome e na parte de abaixo outro. As letras deben ser ben visibles e as siluetas pódense decorar ou colorear.
Como no caso anterior, o obxectivo é recompilar unha ampla relación de nomes en galego, que logo serán expostos nos corredores do colexio.
A data límite para entregar os traballos é o día 31 de xaneiro. Van quedar expostos nos corredores do colexio, xunto ás palabras que xa trouxeron e as que irán traendo nos seguintes meses.
Agradecemos de antemán a vosa colaboración.
Un saúdo.
Roxos, 20 de xaneiro de 2022
O Equipo de Dinamización da Lingua Galega
