Estimadas familias:
Na semana do 24 ao 28 de outubro imos celebrar o Samaín no colexio. A nosa intención é que en cada aula se dea a coñecer ao alumnado esta antiga tradición galega (que despois daría lugar ao Halloween americano). Para isto, traballaranse nas aulas diferentes unidades didácticas, manualidades, decoración das portas das aulas...
Ademais, pretendemos facer unha exposición de cabazas decoradas nos corredores da escola. É para isto que solicitamos a colaboración das familias: cada neno e nena traerán das súas casas unha cabaza decorada, pero é importante que non se baleire nin se corte para evitar que se estropee. Deberán traela o día 24 de outubro e nela debe figurar o nome e o curso do alumno/a, para que o día 28 poidan recollela e levala ás súas casas.
Nesa semana, de martes a xoves, en horario de 16,30 a 18,30 as familias poderán visitar a exposición nos corredores do colexio.
Neses días vaise impartir clase con total normalidade, polo que entendemos que non procede que o alumnado acuda ao colexio con disfraces nin con adornos.
Un cordial saúdo.
O Equipo de Dinamización da Lingua Galega
Roxos, 19 de outubro de 2022
