CEIP Ramón de Valenzuela

CEIP Ramón de Valenzuela

Menú escolar mes de xuño

Posted Xuño 1st, 2021 by toniensa

1 adxunto

HORARIO MES DE XUÑO

Posted Maio 27th, 2021 by toniensa

Lembramos ás familias que o vindeiro MARTES día 1 de xuño cambiará o horario de entrada e saída do colexio.

HORARIO MES DE XUÑO

XORNADA LÉCTIVA DE 9:40h A 14:30h

Apertura de portas para acceso ao colexio 9:30h

COMEDOR DE 14:30h A 15:40h

SAÍDA do alumnado TRANSPORTADO DO CENTRO

15:40h: Empresa Lázara (Piñeiro-Dornerlas-Cira)

Autocares Lázara (Lamela-Cervaña-Moalde)

15:45h: Empresa Cuiña (Chapa-Rellas-Escuadro)

Empresa Cuiña (Chapa-Escuadro)

15:50h: Mombús (Bandeira-Mandúas-Pazos-Abades)

SAÍDA do alumnado NON TRANSPORTADO

Este horario poderá sufrir variación de ata 5 minutos ou máis debido a motivos de organización.

Prégase puntualidade ás familias do alumnado non transportado.

Facendo o camiño

Posted Maio 25th, 2021 by toniensa

O alumnado de Ed. Infantil durante estas últimas semanas estiveron traballando sobre o Camiño de Santiago.

Deixámosvos unha pequena mostra.

CONVOCATORIA DO FONDO SOLIDARIO DE LIBROS DE TEXTO E AXUDA PARA LIBROS DE TEXTO E MATERIAL ESCOLAR PARA O CURSO 2021-2022

Posted Maio 24th, 2021 by toniensa

Estimadas familias, publicouse a convocatoria para o fondo de libros e axudas para libros de texto e material escolar para o vindeiro curso. Toda a información na Orde do 6 de maio de 2021

Destinatarios:

- Fondo libros: alumnado de 3º, 4º , 5º e 6º curso de Ed. Primaria.

- Axudas de libros de texto: 1º e 2º curso de Ed. Primaria.

- Axudas para material escolar: alumnado de 1º a 6º curso de Ed. Primaria.

Prazo de solicitude: do 24 de maio ao 18 de xuño de 2021.

Documentación a presentar se procede:

Anexo I e II debidamente cumprimentado.

Copia do libro de familia ou documento equivalente, onde figuren o alumno/a e os demais membros computables da unidade familiar. En caso de separación ou divorcio, deberán achegar, ademais, a sentenza xudicial e/ou convenio regulador onde conste a atribución da custodia do/da menor. Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:

Certificado ou volante de convivencia.
Informe dos servizos sociais ou do órgano equivalente do concello onde resida a familia.

Certificado de discapacidade do/da alumno/a ou calquera membro da familia non expedido pola Administración autonómica.
Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
Resolución xudicial de incapacitación con patria potestade prorrogada ou rehabilitada.
Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE.

A renda a ter en conta é a do ano 2019.

Formularios: poden presentalos no formulario anexo I a través da aplicación electrónica ou presencialmente no centro de 09:30 h a 13:00h no horario de secretaría.

Pode descargar a solicitude aquí: Anexos I e II

Nunha nova actividade proposta polos equipos da Biblioteca e Dinamización da lingua galega o alumnado do CEIP Ramón de Valenzuela disfrutou dun xogo para demostrar o coñecemento que teñen sobre a autora Xela Arias.

O alumnado encontrou esta mañá nas súas portas unha carta de Garabullo onde se lle facían unha serie preguntas que debían responder para acadar un agasallo. A chapa de XELA ARIAS!!

Exposición "Trasdeza pinta o camiño"

Posted Maio 12th, 2021 by toniensa

O alumnado de 4º, 5º e 6º de primaria visitou esta tarde no Centro Cultural Vista Alegre a exposición “Trasdeza pinta O Camiño” un proxecto no que participa o noso Centro e na que puideron ver as obras realizadas polos artistas Vanessa Barcala, David Bibián, Amalia López, Juan Liñares, Marisa Miguélez e Adrián Penido, que participaron o pasado mes de marzo nunha xornada de pintura en vivo levando a cabo as súas obras do natural en diversos enclaves culturais e naturais situados en diferentes zonas da Vía dá Prata e tamén do Camiño de Inverno.

(Alumnado de 6º de Primiaria no Centro Cultural Vista Alegre de Bandeira)

Os lugares foran seleccionados polos estudantes dos distintos centros educativos silledenses e o noso Centro seleccionou a “Capela de San Blas “. Os traballos mostran estas paraxes baixo a mirada de cada artista e a través do emprego de técnicas e estilos diferentes. A exposición será itinerante. A súa primeira parada será no Centro Cultural Vista Alegre da Bandeira, onde estará desde o 17 de abril ao 17 de maio. Desde alí irá á Casa dá Cultura de Silleda onde se poderá ver do 18 de maio ata o 18 de xuño e posteriormente as obras mostraranse no Mosteiro de Carboeiro desde o 21 de xuño ao 25 de xullo.

(Alumnado de 4º e 5º de Primaria na exposición Trasdeza pinta o Camiño)

Caricaturas Xela Arias Ed. Infantil

Posted Maio 11th, 2021 by toniensa

O alumnado de 6º de Educación infantil elaborou unhas caricaturas de Xela Arias nun taller de pintura. Visualiza o vídeo e descobre o seu gran traballo!

XELA ARIAS, Letras galegas 2021

Posted Maio 11th, 2021 by toniensa

Achégase o día grande das Letras Galegas e o CEIP Ramón de Valenzuela, neste ano 2021, incorporá a Xela Arias aos seus recursos co traballo en prol da nosa lingua. A súa mirada incorfomista e creativa, como mestra, editora, tradutora e poeta, convida a facer lectores en galego a través da singularidade da súa palabra.

O noso Centro está a traballar un sin fín de actividades así que estade atentos a nosa Web!

Amosámosvos o nova pintada na parede do Centro na honra de Xela Arias.