Érase que se era unha contacontos (por cortesía da editorial Edelvives) que veu visitar os nenos e nenas de educación infantil do CEIP Paradai, para contarnos contos marabillosos…De feito, viña vestida como unha princesa das Mil e Unha Noites, e tiña enriba dunha mesa obxectos que parecían máxicos e dos que saían sons engaiolantes.
Presentouse como unha amante dos animais; dixo que a súa profesión era terapeuta animal, e que de cativa quería ser… cabalo! Cando un ano os Reis Magos a agasallaron cun xogo de indios e vaqueiros, ela desfíxose dos persoaxes e quedou cos cabalos de xoguete: “correde, correde, que veñen os homes”, lle dicía ós cabalos.
Despóis desa introducción viñeron tres contos: O RATO E O LEÓN, A CASIÑA e O SAPIÑO VEXETARIANO. Neste derradeiro conto, axudámoslle a rematar os pareados, porque era en verso.
Gustounos moito a todos, e nos finais dos contos cantamos COLORÍN COLORADO, ESTE CONTO ESTÁ REMATADO.
Ata outra!
