CEIP PLURILINGÜE DE PALAS DE REI

Conmemoramos o 25N, Día Internacional Contra a Violencia de Xénero.

Na biblioteca do cole, visionamos un vídeo creado polo alumnado de 5º de educación primaria para o III Certame Coreografíate.

Tamén nos mostraron reflexións e impresións sobre o 25N e tras a súa participación nesta actividade.

Posteriormente, xuntámonos no patio co cole co alumnado e profesorado do IES do Camiño para unir forzas ante a loita contra a violencia de xénero, a través da música, lectura dun manifesto e poemas.

Grazas ao alumnado do IES por agasallarnos con eses globos que tinguiron o patio de cor violeta. A nós fíxonos moita ilusión poder entregarlles as pulseiras que estivemos elaborando para este día e que levan por lema: 25N ALTO E CLARO

Podedes acceder a máis imaxes do día premendo AQUÍ

Gracias a Agustín, técnico de medio ambiente, pasamos unha xornada no máis interesante no bosque que temos preto do cole. Este obradoiro, no que participou todo o alumnado do centro organizado en catro grupos distintos, está enmarcado dentro do PDI "Capitán Planeta" e axudounos a observar a nosa contorna e a descubrir moitas das súas curiosidades: o ferreiriño e o seu canto, plantas que curan feridas, paxariños que "petan" nas árbores, chuvias de follas, setas que lanzan "peidos de lobo", froitos, sementes, cores, animaliños agochados... canto aprendemos e, que ben o pasamos!

Gracias, Agustín, por achegarnos un pouco máis á maxia dos nosos bosques e a querer coidalos!

Mirade as fotos da xornada dende aquí.

O alumnado de 4º e 5º de educación primaria particiou nun obradoiro, ofertado polo CIM, de creación de contos.Contos libres de estereotipos e de calquera xeito de violencia.

Os debuxos que crearon expuxéronse no corredor do cole, acompañados dun lazo violeta, na súa realización colaborou todo o alumnado do centro.

Segunda sesión formativa da escola de nais e pais!

Hoxe, Pilar Porral falounos sobre igualdade. Invitounos a reflexionar sobre as súas causas, evolución... e ofreceunos unha serie de  claves a ter en conta para educar en igualdade aos nenos e nenas. 
Gracias por vir familias!

Podedes acceder ás pautas de igualdade premendo aquí.

As nenas e os nenos de 1º e 2º de educación primaria pasárono xenial e aprenderon un montón no Pazo Vilane.

Grazas á ANPA por organizar esta actividade, enmarcada dentro do proxecto "Da escola á granxa" e financiada pola Diputación.

Dende este enlace podedes ver máis fotografías do día.