CEIP PLURILINGÜE DE PALAS DE REI |

Unha comida terrorífica

Ven, 11/01/2019 - 18:51 — ceippalasderei

...o Samaín chegou ata a cociña do cole!!

Estas 3 bruxiñas sorprendéronnos cun menú de meeeedo. Parabéns polo voso traballo!!

Samaín 2019

Ven, 11/01/2019 - 18:31 — ceippalasderei

Durante estes días o cole transformouse para festexar o Samaín...profundizamos sobre a emoción do medo, elaboramos portas terroríficas, personaxes de susto, e unha exposición de cabazas!!

Unha vez máis, graciñas a todas as familias por aportarnos estas cabazas tan xeniais!

Preme aquí para ver máis imaxes.

Conmemorando o día das Bibliotecas Escolares

Mér, 10/30/2019 - 19:51 — ceippalasderei

O 24 de outubro conmemórase o Día das Bibliotecas Escolares.

Para nós, a biblioteca é un espazo moi importante no que pasaremos moito tempo, xa que é idóneo para adquirir novas aprendizaxes.

O xoves coñecemos a súa nova organización, o decálogo de normas para o seu funcionamento, as actividades que se realizarán no recreo (lectura, xogos, curtametraxes, contacontos, bibliopatio…). Dende o luns, os colaboradores durante os recreos axudarán a un mellor funcionamento da biblioteca.

Entre todo o alumnado do centro, elaboramos un mural que leva por título “Deixa voar a túa imaxinación. Le”. Un mural que se compón de moitas plumas con mensaxes moi significativas: eu leo para soñar, eu leo para aprender…
Deixámosvos un vídeo como resumo do acontecido na biblioteca.

Un pouco de música

Xov, 09/19/2019 - 20:21 — ceippalasderei

Grazas á ANPA do cole comezamos o curso con moi bo ritmo!

Achegáronnos a Banda xuvenil de Antas de Ulla que nos ofreceu un concerto didáctico FANTÁSTICO!!!

E a vós, que instrumento vos gusta máis?

Arrancamos!

Xov, 09/19/2019 - 19:34 — ceippalasderei

Os máis peques do cole veñen con moitas ganas de aprender! Benvidos!

Tríptico informativo da organización e funcionamento do curso 2019 - 2020

Lun, 09/09/2019 - 21:57 — Julio

No día de hoxe tivo lugar a reunión de comezo de curso coas familias. Adxuntamos o tríptico entregado que resume aspectos de organización e funcionamento do curso escolar 2019 – 2020.

Este novo curso escolar comeza o mércores, día 11, en horario de xornada continuada (de 9:40h a 15:40h).