novas

As mazás do outono.

Coa chegada do outono, o alumnado de 5 anos comezou  investigar sobre as mazás e todo o que con elas e pode facer. Todo comezou cunha carta que recibiron na aula, que os convidaba sair ao patio recoller mazás, nas maceiras.

Rapidamente todos se apuntaron para ir recoller deliciosas mazás. A ver que podían traer para o aula.

Atoparon moitas e moi curiosas, grandes, pequenas, vermellas... xa tiñan traballo. Poderían clasificar as boas, as defectuosas, por cores, por tamaño, por tipo.

Tamén podían tocalas, saborealas, escoitar o seu ruido, cheiralas...experimentaron con todos os sentidos.

Coa ilusión, decidiron nas súas casas e coas súas familias, elaborar exquisitas receitas con mazá: pasteis, compota...

Descubriron que con elas podían facer manualidades, así que probaron a estampación.

Un traballo excelente e máis que completo. Noraboa!. 

4ºA recollemos o millo.

O curso pasado o alumnado de 3ºA, plantamos millo, na horta, para facer pan delicioso. 

Hoxe luns 3 de outubro de 2022, recollemos xirasois pero tamén colleitamos boas espigas, que medraron durante o vran e agora están listas para preparar algunha receita deliciosa. Así que debullamos para moer e...

4ºA colleitamos Xirasois.

O curso pasado o alumnado de 3ºA, plantamos xirasois, na horta do colexio.

Hoxe luns 3 de outubro de 2022, que xa somos alumnado de 4ºA fomos a nosa horta ver a nosa colleita. Naceran varios xirasois, que recollemos con ilusión e preparamos para elaborar.

Paseos fluviais gratuitos polo río Miño

Para gozar dunha experiencia en barco no río Miño, da súa contorna, paisaxes e vexetación os 4 concellos de Tui, Valença, Salvaterra do Miño e Monçao, poñen a disposición dos interesados, visitantes e turistas un pequeno barco turístico para facer un paseo en barco gratuito, de aproximadamente 1:00h para apreciar as fermosas vistas dos cascos históricos e das marxes do río Miño dende o río e gozar dunha nova experiencia na rexión. Estas excursións realízanse regularmente dúas veces ao día, a primeira ás 16:00 hora española e a segunda ás 17:30 horas. Os interesados ​​deberán apuntarse, a partir das 14h30, no quiosco informativo, situado a carón da embarcación, que poderá estar no embarcadeiro de Tui ou Salvaterra de Miño ou no Centro de Reservas do Tour Operador Hemisferios. Pincha na imaxe para dispoñer de máis información.

 Renovación dos xardíns exteriores do CEIP Nº2 DE TUI.

Este curso dende o equipo de Voz Natura, propuxémonos darlle vida aos xardíns exteriores da escola. Aquí vos deixamos mostra do que logramos

Tui en Ruta 22.

O C.E.I.P. Nº2 de Tui en coordinación co equipo de Deporte no 2 e o Concello de Tui,  organizou 2 xornadas de “Actividades na Natureza”, nas inmediacións do Centro educativo e do Río Miño.

Dita actividade esta destinada os/as 42 alumnos/as de 5º de Educación Primaria do noso centro educativo.

A actividade tivo lugar o luns 20 e martes 21 de xuño de 2022.

As xornadas pretenden ter un carácter lúdico-cultural-deportivo a vez que achegan ao noso alumnado, ao seu entorno natural máis próximo como é o Río Miño. Para iso propuxemos dúas xornadas:

1ª Xornada: O día 20 de xuño, levaríamos a cabo unha Marcha Ciclista, polo sendeiro Tui-Caldelas, co disfrute do Balneario de Caldelas, toma de contacto co Kayak-polo, Slalom e Ciclismo.

2ª Xornada: O día 21 de Xuño  levaríamos a cabo unha xornada de Ginkana ciclista no patio do centro educativo.

Grazas ao  Concello de Tui, á policía Local de Tui, a Consellería de Medio Ambiente, ao Balneario de Caldelas, ao Club Penedo de Caldelas, ao Club de piragüismo Kayak Tudense  e as distintas entidades  que fixeron posible que dita actividade se levara a cabo. Moitas grazas a toda a Comunidade Educativa.

Aloiada 22

O C.E.I.P. Nº2,  o C.E.I.P. Nº1,  o C.E.I.P de Pazos de Reis de Tui, de C.E.I.P. Rebordáns, C.E.I.P. Guillarei e C.E.I.P. de Caldelas, en coordinación dos seus departamentos de Educación Física, o Concello de Tui e as dirección dos centros educativos, organizaron 2 xornadas de “Actividades na Natureza”, nas inmediacións do Parque Natural do Monte Aloia.

Dita actividade estivo destinada os/as 100 alumnos/as de 6º de Educación Primaria dos centros educativos do Concello de Tui.

En coordinación co Concello de Tui, cos responsables do Parque Natural e coa colaboración da Federación Galega de Montañismo e cos responsables dos clubes deportivos colaboradores, as datas nas que tivo lugar dita actividade foron o xoves 16 e o venres 17 de Xuño de 2022.

As xornadas pretenden ter un carácter lúdico-cultural-deportivo, á vez que achegan ao noso alumnado ao seu entorno natural máis próximo, como é o Parque Natural do Monte Aloia. Para iso os nenos/as disfrutaron de dúas xornadas:

1ª Xornada: O día 16 de Xuño levouse a cabo unha Xornada de Iniciación a Escalada, Rappel, Orientación, Equitación e Primeiros Auxilios no Monte Galiñeiro. Coordinado coa Federación Galega de Montañismo.

2ª Xornada: O día 17 de Xuño  levouse a cabo unha Xornada de Sendeirismo onde descubrimos as distintas rutas e riquezas histórico-culturales e naturais do Parque Natural do Monte Aloia. E pola tarde remate cunha toma de contacto cos deportes de auga: Remo e Piragüísmo.

Dúas xornadas intensas de deportes de aventura onde todo o alumnado e profesorado de 6º disfrutamos do medio natural e da convivencia. Moitas gracias a todas as administracións, clubes, colexios, entidades públicas e privadas que fixeron posible que o noso alumnado poidera disfrutar un ano máis de esta bonita aventura. Grazas.

Camiño de Santiago Saudable, Deportivo e Escolar.

Mércores 15  de Xuño 2022.

 O pasadp mércores día 15  de xuño de 2022, tivo lugar a ruta do Camiño de Santiago en barco e en tren turístico, para todo o alumnado de 2º.  Consistiu nun paseo pola cidade de Tui, ruta en barco polo Río Miño e volta ao centro educativo en tren turístico.

Moitas grazas ao Concello de Tui, Eurocidade, Hemisferios, tren turístico, por facer posible que o noso alumnado poidera gozar de esta experiencia fascinante.

 Viaxe as Illas Cíes.

 Alumnado de 4º

14-06-22

O alumnado de 4º do CEIP Nº2 de Tui, tivo oportunidade de visitar as Illas Cíes, dentro do Parque Nacional das Illas Atlánticas. Unha excursión fascinante en barco, con Ginkana e paseo pola illa, para descubrir cousas fascinantes sobre a súa fauna e flora.

Camiño de Santiago
Saudable, Deportivo e Escolar

Xoves 2 de Xuño 2022.

 O
pasado luns día 13 de xuño de 2022, tivo lugar a ruta do Camiño de Santiago
Saudable, Deportivo e Escolar, para todo o alumnado de 3º.  Consistiu nun paseo con probas  dende o colexio, pola cidade de Tui e volta ao
centro educativo, tendo lugar diversas probas e xogos do Camiño de Santiago
durante a actividade.

Ruta do Río Lagartón

e do Camiño de Santiago

Venres 10 de Xuño 2022.

 O pasado venres día 10 de xuño de 2022,  tivo lugar a ruta do Río Lagartón, para todo o alumnado de 2º. Consistiu nun paseo,  dende o colexio pola Veiga do Louro, Río Lagartón e volta ao centro educativo, tendo lugar diversas probas e xogos relacionados co Camiño de Santiago, durante a actividade .

Ruta en Patinete 4º.

Mércores 9 de xuño de 2022

 O pasado xoves 9 de xuño de 2022,  levouse a cabo unha Ruta en patinete, para todo o alumnado de 4º. Consistiu nun paseo en patinete dende o colexio ata a praia de Guillarei e volta ao centro educativo, tendo lugar diversos talleres de alimentación, ecoloxía, relaxación e reciclaxe durante a actividade.

Camiño de Santiago Saudable, Deportivo e Escolar

Mércores 8  de Xuño 2022.

 O pasado mércores día 8 de xuño de 2022, tivo lugar a ruta do Camiño de Santiago en barco e en tren turístico, para todo o alumnado de 1º.  Consistiu nun paseo pola cidade de Tui e ruta en barco polo Río Miño e volta ao centro educativo en tren turístico.

Visita aos Parques Naturais de España.

Durante o mes de Marzo, Abril e Maio o alumnado do C.E.I.P Nº2 de Tui percorremos moitas millas, no noso circuito do cole, tantas que nos permitiron visitar case todos os Parques Naturais e Nacionais de España.

 Despois de percorrer todos os espazos naturais de Galicia e Portugal puxemos rumbo a España, que nos ofrece moitos espazos con encanto, para practicar actividade física, sá e saudable.

 Animamos ao noso alumnado a visitar en familia, durante as vacacións do verán, calquera de estes fermosos parques.