novas

EXPOSICIÓN DE MÁSCARAS DE ENTROIDO CON ELEMENTOS NATURAIS.

Curso 21-22

Seguindo coa temática do noso proxecto de centro deste ano, Naturalíza-T,  o entroido non podía ser menos. 

Pedímosvos de novo a vosa colaboración, elaborando voluntariamente unha máscara de entroido con elementos naturais ou de refugallo. Deste xeito contribuimos co coidado do planeta, reciclando, reducindo e non xerando lixo.

Coma sempre a vosa participación e creatividade sempre nos sorprende.

Deixámosvos un pequeniños vídeo para que as vexades, son realmente espectaculares todas!!

Moitísimas grazas por facer da vosa casa un recunchiño máis do cole. 

RECEITAS DE GRELOS

Curso 21-22

Os nenos e nenas de 5 anos de infantil fixeron moitas receitas elaboradas polas familias cos grelos que eles mesmos cultivaron na horta do cole.

Plataron os grelos en outubro e este mes xa estaban listos para comer. Levaron un puñado de grelos para a casa e con eles elaboraron, coa axuda das súas familias unhas exquisitas receitas, ao tempo que traballaron lectoescritura, xa que as receitas están escritas por eles.

Aquí vos deixamos un pequeno vídeo no que podedes ver as receitas.

Entroido Natural.

Ordes do Meco.

O meco é unha persoaxe que entraña as datas do entroido. Se nos remontamos moitos anos atrás, na época dos nosos avós ou avoas, os seus difraces eran de elementos naturais, o típico daquela época.

O meco que manda moito e máis, deixounos as súas propostas para esta semana do 21 ao 24 de febreiro, para que os mestres, alumnado e as familias deixaran voar a súa imaxinación. Aquí vos deixamos boa mostra do creativa e inxeniosa que é a nosa comunidade educativa.

O luns:

 O Martes:

O Mércores: 

O Xoves: 

Visita aos Parques Naturais de Portugal.

Durante o mes de xaneiro o alumnado do C.E.I.P Nº2 de Tui percorremos moitas millas, no noso circuito do cole, tantas que nos permitiron visitar case todos os Parques Naturais e Nacionais de Portugal.

En total en xaneiro fixemos 1759,5 millas, que sumadas as  4546 millas do 1º trimestre suman un total de 6305,05 millas. Despois de percorrer todos os espazos naturais de Galicia, este mes puxemos rumbo ao país veciño, que nos ofrece moitos espazos con encanto, para practicar actividade física, sá e saudable.

Convidámosvos a visitalos en familia e enviarnos as vosas fotos. Esperamos as vosas millas do mes de febreiro para seguir coñecendo parques naturais fascinantes. Rexistrádeas aquí.

Entroido

Con motivo do entroido que terá lugar a finais do mes de febreiro, animamos a todo o alumnado e as súas familias a decorar un anteface ou máscara, con elementos naturais, En Galicia temos unha gran riqueza de entroidos que queremos poñer en valor. O alumnado traerá as creacións ao colexio, antes do venres día 18 de febreiro, data na que se exporán no corredor central do colexio. A exposición rematará o venres 25 de febreiro, día no que o alumnado levará os seus traballos para casa.  Aquí deixamos ideas como recurso para ese gran traballo. Agradecer de antemán a colaboración e creatividade de todas as familias nas propostas de Voz Natura.

Modelos de antefaces e máscara con elementos naturais.

Aquí vos deixamos modelos de antefaces e máscaras que podedes imprimir.

Xa empezan a chegar as primeiras  creacións do noso alumnado e das súas familias, aquí vos deixamos para que vexades o bonitas que están.

ENSALADAS.

O alumnado de 5 anos, no mes de setembro levamos leitugas para casa, xa que atopamos, na nosa horta moitas que medran no verán.

Deixamos que medraran nas nosas casas con moito agarimo e os mellores coidados.

Agora no mes de xaneiro, xa estaban grandes e apetitosas para facer ricas ensaladas. Aquí vos deixamos as nosas receitas para que vexades o saudable que comemos os/as nenos/as de 5 anos.

O alumnado de 1º sementamos nos bancais da horta.

O alumnado de 1º plantamos sementes de perexil, cenorias, apio, tirabeques, etc...ao final do mes de Xaneiro. Fixémolo nos bancais da horta, onde esperamos que medren para poder facer platos saudables deliciosos.

4°A plantamos sementes variadas.

O alumnado de 4°A, seleccionamos da mesa de sementes que temos no corredor central da escola as sementes que máis nos gustaron. O 1 de febreiro fixemos os nosos sementeiros, que puxemos na entrada da escola para que medren e máis adiante levar á horta.

Agora temos que regalas e esperar a que medren, xa vos iremos contando.

4°C plantamos cabazas para esponxas.

O alumnado de 4°C plantamos pepitas de cabaza no mes de Xaneiro. Estas pepitas son especiais, delas sacaremos esponxa natural, que ten moitas utilidades.

Agora temos que regalas e esperar a que medren, xa vos iremos contando.

4°B preparamos os sementeiros para a horta.

O alumnado de 4°B plantamos sementes ao final do mes de Xaneiro. Estas sementes gustaríanos que medraran para levar para casa e para poñer na horta da escola.

Agora temos que regalas e esperar a que medren, xa vos iremos contando.

Plantación de froiteiras no patio.

No mes de Xaneiro, despois de facer moitas millas durante o 1º trimestre, recibimos un agasallo especial.

Unha carta onde se nos recoñecía que fixéramos moitas millas, tantas que percorremos todos os Parques Naturais e Reservas da Biosfera de Galicia.

Se visitades os 7 Parques que ten Galicia, selando o Pasaporte Natural, podedes gañar un fantástico agasallo. Preme no pasaporte para máis información.

E como agasallo cada clase recibimos unha árbore para plantar no patio da nosa escola.

O Concello axudounos a facer os buratos. Moitas grazas!. E nós puxémonos mans ao asunto. Mirade que chulo quedaron plantados.

AS CABAZAS E FABAS DE 2º COMEZAN A SAIR.

Curso 21-22

 Coas sementes de cabaza e fabas que nos trouxestes as familias, o alumnado de 2 fixo os seus semilleiros no mes de decembro. Agora no mes de xaneiro empezan a saír as primeiras plantiñas. @s nen@s de estas clases regan e coidan con moito agarimo para cando  chegue a primavera pasalas a horta. 

Os Grelos de 6º de Educación Infantil

xa case están listos para comer.

Curso 21-22

O alumnado de 6º de Educación Infantil, plantaron no mes de outubro a semente de grelos para facer receitas saudables. Aquelas sementes foron medrando e agora no mes de xaneiro xa teñen un bonito tamaño.

AS LEITUGAS de 5ºA, moito medraron!.

Curso 21-22

As leitugas que no mes de setembro plantaron @s alumn@s de 5ºA, medraron moito durante estes meses. Pronto estarán listas para degustar unhas deliciosas ensaladas. 

Cos bos coidados de este alumnado xa se atopan así de grandes.

O TRIGO de 3ºA vai medrando.

Curso 21-22

O trigo que plantou a clase de 3ºA, xa comezou a medrar. Cando chegamos das vacacións do nadal, atopámonos coa sorpresa de que medrou unha cuarta. Agora temos que coidalo moito.