Monthly archive

DEPORTE ESCOLAR.

Bádminton Curso 22-23

O vindeiro, martes 14 de febreiro terá lugar a 2ª xornada da competición escolar de Bádminton da categoría Benxamín ( 3º e 4º) e Infantil ( repetidores de 6º) no Pavillón do Ceip Randufe. O autobús sairá ás 16:00h do colexio, pasará por Rafi, Rotonda Bornetas, Rotonda igrexa Areas.  A volta será aproximadamente ás 19:15h. Todos os participantes terán que traer: merenda, auga, calzado para cambiar, equipación do colexio se  tiveran e chandal do mesmo. Os nenos que vaian a Randufe directamente, terán que estar alí ás 16:30h. Se lles xurde  algunha dúbida poden chamar ao teléfono: 650602161.

Aloia Kids Trail 23.

Sábado, 11 de febreiro de 2023 ás 16:30h.

O pasado sábado, 11 de febreiro de 2022, as 16:30h, tivo lugar a Aloia Kids Trail, unha proba de correr, gozando do entorno do Parque Natural do Monte Aloia en Tui, nas instalacións deportivas da Amacoca. As Categorías foron: BABY POWER: de 5 a 8 años / BABY ROCKET: de 9 a 11 anos/ BABY WARRIORS: de 12 a 14 anos. Alí estiveron 80 corredores do noso colexio coa profe Lore e as súas familias. Gozaron da natureza, fixeron deporte e pasárono xenial. 

Deporte no 2 apoiando sempre iniciativas locais na natureza, de hábitos de vida saudables e felices. Noraboa a tod@s participantes e moitas grazas a todas as familias.

Cenorias, leitugas, cabaciño e fabas

plantados polo alumnado de 2º.

O alumnado de 2º, plantou hoxe venres día 10 de febreiro de 2023, un sementeiros en botes reutilizados. Coma na clase están catro equipos e cada un ten nome de froitas, acordaron plantar a semente co seu nome do equipo. Así o equipo cabaciño plantou cabaciño, o equipo cenorias plantou a semente laranxa, o equipo leituga plantou...

Agora a coidalos moi ben, para que medren as plantiñas e poder levalas a nosa horta. Gran traballo rapaces!.

CAMPIONATO PROVINCIAL  DE CAMPO A TRAVÉS.

Parque de Castrelos ( Vigo)

12/02/23

 O vindeiro, domingo 12 de febreiro de 2023, levarase a cabo o Campionato Provincial de Campo a Través da presente campaña escolar de Campo a Través, no circuíto do Parque de Castrelos en Vigo.

A competición para o alumnado do CEIP Nº2 empezará ás 11:10h coa proba Alevín Feminino ( alumnas de 4º e 5º), ás 11:25h a proba Alevín Masculino ( alumnos de 4º e 5º), ás 11:40h a proba Benxamín Feminino ( alumnas de 2º e 3º) e ás 11:55h a proba Benxamín Masculino ( alumnos de 2º e 3º).

Aquí vos deixamos o circuíto, as horas e distancias.

 O autobús pasará polas paradas de Rotonda Areas, Rotonda Bornetas ás 9:15h e sairá do colexio ás 9:25h e a volta será ás 13:30h aproximadamente. Se algún participante vai coa súa familia, directamente ao circuíto terá que estar alí media hora antes da súa proba.

         Tódolos nenos/as teñen que traer chándal (o do cole se o tiveran), a equipación do colexio ( camiseta e pantalón), e tenis. En caso de choiva que leven roupa seca para cambiarse.

         ¡¡¡IMPORTANTE!!! A roupa do colexio será devolta antes do mércores día 15 de Febreiro.

         Poden atopar máis información da proba na web do cole: en Deporte no2

Para calquera dúbida podedes contactar con nós no Teléfono: 650602161