Blog de orientación

Alba Talavera, psicóloga, e Anna Anguix, logopeda, e especialistas ámbalas dúas en traballar con nen@s TEA, crearon esta fantástica guía con recomendacións e consellos moi útiles para estas familias en particular.

Nestes cadernos, elaborados polo Equipo de Conduta de Granada,  propóñense unha serie de actividades para realizar en famila, que axudarán a xestionar o tempo de maneira produtiva.

GUÍA DE PRÁCTICA DE MINDFULNESS PARA MOMENTOS DE ESTRÉS

Introdución e orientacións para iniciarse na práctica do mindfulness como ferramenta útil para o contexto estresante xerado pola emerxencia sanitaria do COVID-19. Colexio Oficial de Psicoloxía de Galicia.

GUÍA DE BOAS PRÁCTICAS NAS SAÍDAS DA POBOACIÓN INFANTIL

Bailaremos bajo una estrella, é un precioso conto co que se pretende que os máis pequenos interioricen as precaucións que hai que tomar estos días fronte ao Covid-19, transmitíndolles, á vez, unha mensaxe de esperanza e valor da vida, agora tamén con pictogramas.

A música é capaz de todo: trasladarnos a recordos do pasado, acompañarnos en todo momento e conseguir levarnos a calquera lugar, levantando o noso ánimo naqueles días máis grises e tristes.

Aquí, neste pequeno recuncho, imos propoñervos a escoita dunha lista de cancións realmente capaces de conseguir este obxectivo, aínda que, como todos sabemos, a última palabra sempre a temos nós mesmos, porque alegrarnos a vida nestes períodos tan difíciles só depende de nós.

Ánimo!! Todo vai saír ben!

A FORZA DA MÚSICA         

A editorial Kalandraka ofrece contos contados para acompañar o día a día das familias.

A editorial de literatura infantil e xuvenil Kalandraka pon o seu gran de area no espazo de entretemento cultural e literario lanzando a campaña audiovisual "Cuentos contados" na que cada día irá subindo un vídeo contando un conto de entre todas as obras do seu catálogo. Esta acción está orientada, sobre todo, para o disfrute dos máis peques da casa, pero tamén deleitará a todas aquelas persoas que lles gusta que lles conten contos.

Así es la vida.       Este conto, escrito por Ana Luísa Ramírez e ilustrado por Carmen Ramírez, pode axudar @s nen@s a reflexionar sobre a vida, sobre as situacións boas ou difíciles que nos tocan vivir e pensar que as cousas, moitas veces, non saen como pensabamos, pero que todas as ocasións nos poden servir para aprender e crecer como persoas.