ALUMNADO

Este trimestre o alumnado de catro anos

estivo inmerso nun proxecto sobre os castelos,

este é o seu produto final, un fermoso libro de lapelas!

O alumnado de primeiro realiza unha curtametraxe

sobre a realidade das aulas galegas con alumnado extranxeiro. 

O fai coa axuda das familias que tamén participan en diversos ámbitos,

tanto na actuación como na música.

Agradecer a colaboración de todos eles, en especial de Antonio Rodríguez Bustabad.

O alumnado de terceiro de primaria explícanos

como realizaron a súa curtometraxe "A gata Benita!.

Con ela participarán no concurso: Nos tamén creamos.

Compartimos con vos está ledicia!

O alumnado de 5º e 6º recibe outro sobre de cromos e

cambia os repetidos. Intres para compartir información,ampliar,

investigar, conversar sobre a flora e a fauna da nosa contorna.

Agradecer a colaboración de Rafael López Loureiro (aportando

as fotografía e documentación sempre que se necesitou), o

Concello de Cedeira e de todos e cada un dos axentes sociais implicados.

O 12 de xuño toda a escola navegou ata o Auditorio de Cedeira

ver a estrea de Navegantes, a curtometraxe dirixida por Alicia Freire Vera

para o alumnado voluntario. Algunha desta rapazada xa asistira coas súas

familias á estrea, por este motivo Alicia decidiu facer un backstage,

con algunhas das tomas que non se usaron durante tantas horas

de grabacións. Hoxe o compartimos con todos vos, primeiro o backstage

e despois a versión orixinal corrixida e o backstage xusto detrás.

Collede asento!

O alumnado de primeiro realiza o roteiro saudable proposto

polo equipo de Educación Física, un roteiro que complementa

as actividades do proxecto "Aprendendo, naturalmente!".

Realizan a segunda parte do percorrido, pois a primeira foi realizada en días anteriores.

Podedes velos clicando aquí.

O alumnado de 5 anos B leva xa varias representacións de "A princesa do Courel",

escrita por Javier Solchaga e Marisa Nuñez, incluída en "Os contos do camiño".

Unha rapazada pequecha pero moi grande en expresión, aínda teñen pendentes

varias representacións na aula de teatro. Éxito asegurado! Parabéns rapazada!

A compañía de teatro "Os Vagalumes" de 1º C,

presentan a súa peza teatral "Os gaiteiros de Hamelín",

escrita por Carlos Labraña. Durante un curso escolar

estiveron traballando xuntos, realizaron o atrezzo e

os disfraces, nos grupos interactivos con familias,

e o 16 de xuño queren compartir con todos vos o resultado.

Quedades convidados/as!

Este 16 de xuño ven ás xornadas de teatro escolar.

O alumnado dos Club de Lecturas "Chocolate con libros"

despide este curso cunha última sesión, moi doce e veraniega,

praia, lectura e xeado de chocolate! Umm, que rico!

Fai un ano, o alumnado de 2º de primaria (hoxe xa en 3º de E.P.),

interpretaba a obra teatral "Mares de Cedeira". Unha obra escrita por

Carlos Labraña para o alumnado do CEIP Nicolás del Río,

ilustrada por Diego Cheda e Quique Vázquez e publicada

coa colaboración do Concello de Cedeira.

En breves, veremos esa obra nun libro.

A súa presentación será o domingo 4 de xuño ás 18:30h.

no Auditorio de Cedeira. Quedades convidados!

Na mañá do mércores 31 recibiremos a Antón Cortizas.

Nesta ocasión, os agasallados serán o alumnado de 4 anos co

contacontos "Os dez Animais" e os de 5 anos de E.I. con

"Aqueles animais da Sabana". Porque ler é un xogo que nos leva

a mil lugares e no que podemos ser outra persoa, outro animal,

permítenos sentir como o protagonista da historia,

viaxar a outros tempos... fantasear.

Esta actividade pertence ao programa "Lectura e familias"

da Asesoria de Bibliotecas Escolares de Galicia.

Experimentando coa densidade e as burbullas de aire no xeo.

O alumnado de 6º segue os pasos do método

científico para chegar ás conclusións.

Despois da lectura do Merlo de Ferro e a Merla de Trapo

o alumnado do Club de Lecturas "Chocolate con Libros"

gozou dun obradoiro con Antón Cortizas o autor de ámbolos dous libros

e dunha morea máis que temos na biblioteca. Antón,

é escritor, sabe xogar coa palabra pero tamén de xogo,

ese que se fai con bugallos, trozos de lata, papeis...

con calquera material que nos proporciona a

natureza ou é de refugallo. Así crearon chifres con sons,

fixeron paxaros en papiroflexia,unha curuxa con bugallos,

leron a poesía musicada "No mundo hai un país"

de Guadi Galego, xogaron coa palabra, fixeron O bico do galo... 

Temos que agradecer á Asociación Arce quen nos puxo en

contacto con Antón, o cal nos agasallou con verbas e xogos.

Gracias Antón Cortizas para facer medrar a nosa lingua!

Moitos parabéns á rapazada e a toda a comunidade educativa implicada!

Resultamos premiados no programa, Cartas que vencen cancelas,

presentado ao V Concurso de Podcast de Radio na bilblio,

da Asesoría de Bibliotecas Escolares en colaboración coa

CRTVG (Radio Galega).

Pero isto non foi só un programa, detrás das voces deste rapaciños

e rapaciñas, hai un proxecto. Comezaron documentándose na biblioteca,

convidaron ás familias a participar, descobreron que "A miña burriña" era

a canción preferida de Francisco Fernández del Riego (a aprenderon e a cantaron),

quixeron imitar o seu bo facer e fixeron unha crítica constructiva da vila,

buscando solucións e redactando epístolas aos diferentes organismos que podían axudalos.

Ilustraron a Del Riego e comezaron a labor escrita da escaleta para rematar coas gravacións.

Un proxecto, que continuou despois destas gravacións, mantendo entrevistas

con quen pode axudar a que as solucións da rapazada sexa unha realidade.

Canto nos da a radio! Parabéns rapazada!

Aquí o seu podcast, Cartas que vencen cancelas!

  Os podcasts seleccionados serán difundidos pola Radio Galega

a través da  páxina do Diario Cultural; así mesmo, serán difundidos

a través dos medios web da Consellería de Cultura, Educación,

Formación Profesional e Universidades.