Febreiro 2024

Unha nova xuntanza moi produtiva. Conversaron das

sensacións na visita ao Parlamento, escolleron entre varias

propostas que poden incidir na calidade da vida na vila. A súa

responsabilidade é moi alta, pois eles e elas teñen moito que

dicir da vida cultural, medioambiental, de saúde... na nosa vila.

Neste Clía tamén escolleron o nome que levará este organismo,

pero que desvelaremos nunha próxima publicación.

Un tempo e un espazo máis que aproveitado!

Os Vagalumes xa preparan a súa representación teatral,

están montando sons na radio, deseñando o atrezzo, facendo

ensaios case a diario e o máis importante, entender que todas

e todos somos importantes e temos que colaborar, que isto é unha

compañía que necesita de todos e todas para funcionar como unha

máquina precisa de reloxeiro. Convivir, respectarse, tolerarse, entenderse...

o teatro aporta unha inmensidade de valores que perdurarán nas súas vidas.

Aprender a actuar, memorizar, facer súa a personaxe, a crear, a rir e chorar,

pero o máis importante aprenden a quererse e coidarse.

Monique, a mamá de Noa,  veunos amosar unha canción de Xuxa.

Actriz e cantante que marcou a súa infancia.

Aquí podemos escoitar a canción, que por certo, está en linguaxe de signos.