blogue desol
ANDAINAS POLO CAMIÑO DE INVERNO
Enviado por sol o Dom, 06/27/2021 - 10:18
Aproveitando que por esta cidade pasa o Camiño de Inverno, que mellor cologón para o Proxecto: "Xacobeo - Camiño de Santiago" que percorrer algún tramo do camiño situado no concello de Monforte.
Con ilusión, sen importar que estaba previsto que chovera, todos os cursos saíron facer a súa andaina:
- O alumnado de 4º percorreu o tramo desde Reigada ao centro da cidade,
- O alumnado de 1º e 2º subiron ata San Vicente:
- 1º
- 2º
- O alumnado de 3º fixo un percorrido urbano:
- O alumnado de 5º, seguindo a ruta do Camiño de Inverno sinalizada na cidade, sube ata San Vicente e logo baixa ata a rotonda do Peregrino, situada en A Vide.
- Saímos do colexio dirección Noreste
- Cruzamos o Río Cabe
- Xusto ao cruzar a ponte atopamos unha cuncha de vieira que nos indica a dirección a seguir. Temos que desviarnos porque está cortada.
- Continuamos pola Rúa Doutor Casares e Rúa da Costa. Desde esta última entramos no Parque dos Loureiros. Subimos polo sendeiro ata chegar a San Vicente.
- En San Vicente obserbamos a Torre da Homenaxe e as fermosas vistas da cidade.
- Descansamos nas escaleiras do Parador e observamos e analizamos a súa fachada.
- Na Praza de Luís de Gongora, observamos e analizamos o escudo do Pazo dos Condes
- Baixamos ata a Praza de España e analizamos o seu cruceiro.
- Continuamos pola Rúa do Comercio, facendo unha parada explicativa sobre a Oficina de Información e o Museo do Viño e Sede do Consello Regulador da Ribeira Sacra.
- Desvíamonos a ver a Casa máis estreita de Galicia (1,5 m de ancho e 20 m de profundidade) sitúada perto do Museo Lodeiro.
- Continuamos pola ponte medieval.
- Ao final da ponte atopamos un Cruceiro e o Convento das Clarisas, edificio no que se atopa o Museo de Arte Sacro.
- Tras un breve descanso explicativo diriximonos a Praza de San Antonio. Onde está o Concello e no centro un Cruceiro de base octogonal muy antigo.
- Xa toca repoñer forzas. Merendamos gardando a distancia de seguridade.
- Despois da merenda diriximonos a A Vide para intentar a última pregunta do noso formulario sobre que simbolos xacobeos se poden ver na estatúa do peregrino que está na rotonda. Aquí finaliza o noso percorrido polo Camiño de Inverno. Camiño que como indica o peregrino continúa por A Vide.
- De regreso ao cole facemos outra paradiña para beber e descansar.
- Xa no colexio recollemos os formularios das preguntas coas respostas, un por grupo. A última pregunta, referida as distancias, deberemos volver comprobar pois non había acordo entre os grupos.
E para rematar aquí tedes duas imaxes informativas con algunha pregunta por si queredes recordar e fixar información.
.........................................................
Unhas andainas moi pracenteiras e didácticas para apreciar o entorno e gozar dunha xornada festiva na compaña dos compañeiros de clase e dos profesores.
Bo Camiño!
ACTIVIDADES DE REPASO -VERÁN 2021
Enviado por sol o Lun, 06/21/2021 - 05:44
Actividades de repaso para o verán:
- Actividades de matemáticas clasificadas por niveis.
- EDITORIAL PLANETA SABER
Feliz Verán!
OBRADOIRO DE SENSIBILIZACIÓN COA MEDIADORA COMUNICATIVA ANDREA
Enviado por sol o Lun, 06/21/2021 - 05:32
O día 14 de xuño conmemorase o Día Internacional da Lingua de Signos,
Aproveitando esta conmemoración, durante a semana do 14 ao 18 de xuño, a Mediadora Comunicativa Andrea, realiza obradoiros de sensibilización sobre a diversidade.
Seguindo o seguinte esquema:
1º Avaliación previa do que o alumnado entende por Discapacidade, Xordeira, Cegueira, TEA e Trastorno Específico da Linguaxe.
2º Charla expositiva e reflexiva sobre a diversidade funcional, que é, as diferentes discapacidades relacionadas co tema da comunicación e os diferentes profesionais que as atende: logopedas, pedagogos, profesionais de audición e linguaxe e os mediadores comunicativos (prrofesionais que traballan principalmente con xordeira e cegueira pero tamén con outras discapacidades como o autismo, o trastorno específico da linguaxe, etc.)
3º Realización de actividades de sensibilización experimentais centradas na Cegueira, Xordeira, Autismo e Trastorno Especifico da Linguaxe. Coas que se pretende simular as vivencias destas persoas e os seus interlocutores e acompañantes, sentilas e reflexionar sobre elas.
Rematamos lembrando:
-As diferentes formas de signar: a propia da lingua de signos que ten a súa propia estructura e a bimodal que é unha forma de signar coa estructura da lingua oral.
- As palabras da escritora xordocega Hellen Keller, "A cegueira separa as persoas das cousas, a xordeira separa ás persoas das persoas".
- A importancia de poñerse no lugar do outro, so así podemos avanzar.
- O Día Internacional da Xordocegueira
Grazas Andrea pola túa importante colaboración.
Non só por estes obradoiros, senon tamén por esa colaboración diaría durante a túa estancia no centro.
Grazas!
DÍA MUNDIAL DO MEDIO AMBIENTE
Enviado por sol o Sáb, 06/19/2021 - 09:48
Na semana do 5 de xuño estivemos traballando sobre o Medio Ambiente, a importancia de protexelo e como protexelo.
Todos os seres humanos temos o deber de coidar a Natureza e o compromiso de deixar as futuras xeracións un planeta habitable.
Por iste motivo ilustramos mensaxes de compromiso medioambientais.
Aquí tedes algunhas das moitas mensaxes medioambientais creadas e ilustradas polo alumnado do centro. Non estan todas, algunhas non deu tempo a rematalas e outras quedaron nas aulas, pero o realmente importante é que todos nos concienciamos na importancia de comprometernos no coidado do Medio Ambiente.
Sodes uns grandes artístas.
Parabéns!
RECURSOS MANIPULATIVOS
Enviado por sol o Xov, 06/10/2021 - 05:03Como complemeto aos proxectos de: "Froitas e Hortalizas, "A cociña" e "Xacobeo - Camiño de Santiago" o equipo de biblioteca elaboramos unha serie de recursos manipulativos.
Contos na Radio, CONTOS FAMILIARES, no mes de xuño
Enviado por sol o Ven, 06/04/2021 - 06:02Familias que durante o mes de xuño pasaron por Radio Forte contar, para todos nos, un conto cos seus fillos:
|
André (5 anos) y e o seu pai Robert, contan Astronáutica de Carlos Pazos.
|
Sofía (3anos) e a súa mamá Rocío, contan Ricitos de Oro |
Susana, mamá de Leira e Leira, contan Titiritesa.
|
Paula e Oscar, nai e pai de Estela (4 anos) e Uxía (3ºA), contan: Loro sin memoria |
Nieves, nai de Lois (4 anos), e Lois contan: A vaca que subiu a unha árbore |
Que contos máis chulos!
Grazas!
O ESCORNABOT VISITA A CLASE DE 5 ANOS
Enviado por sol o Ven, 06/04/2021 - 05:51Este xoves o escornabot estivo na clase de 5 anos.
Cada equipo podía escoller entre recoller pole para levar a colmea (escornabot-abella) ou recoller froita para facer unha ensalada de froitas (escornabot-cociñeiro), dous temas previamente traballados por proxectos.
Pasámolo xenial!
PLANTAMOS CABAZAS PEREGRINAS - CAMIÑO DE SANTIAGO
Enviado por sol o Xov, 06/03/2021 - 06:08Dentro das actividades relacionadas co Proxecto de Centro "O Camiño de Santiago"
Este mércores, 2 de maio, un grupo de alumnos de 3 anos de infantil saímos ao patio a prantar no xardín unhas cabazas de peregrino, cabaciñas que coñecemos traballado na aula o vocabulario xacobeo.
Acompañan as cabaciñas, previamente plantadas en dúas botas, un bordón (bastón), unha cuncha de vieira e unha cabaza de papel.
Agardamos con ilusión velas medrar e ter unha boa produción para poder compartir con todos e poder colgar do bordón unha cabaza auténtica.
ABELLAS ROBÓTICAS (ESCORNABOT) - BIBLIOPATIO
Enviado por sol o Xov, 06/03/2021 - 05:47Este mércores, durante o recreo, unha nova actividade de bibliopatio. O escornabot-abella estivo no patio de 3 anos recollendo o néctar das flores para levalo a colmea.
Posteriormente o escornabot achegouse ao alumnado de 1ºB que estaba ao outro lado da valla.
Este tempo primaveral estanos permitindo recuperar as actividades de bibliopatio que tanto nos gustan.
COIDEMOS O MEDIO AMBIENTE!
Enviado por sol o Mér, 06/02/2021 - 07:18Audiovisuais para reflexionar sobre a importancia de coidar o medioambiente:
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- seguinte ›
- última »