CEIP DE PEDROUZOS - Brión

Publicamos a listaxes provisionais de admitidos para o próximo curso. As listaxes definitivas publicaranse antes do 15 de maio. Lembrámoslles que o prazo para formalizar a matrícula é do 20 ao 30 de xuño.

No caso de atopar algún erro, ábrese un prazo de 10 días contados a partir da presente publicación, para subsanar posibles defectos de forma ou omisión.

Listaxe 4º de Educación Infantil.

Listaxe 6º de Educación Infantil.

Listaxe reserva centros adscritos (1º de Primaria).

Listaxe 1º de Educación Primaria.

Listaxe 3º de Educación Primaria.

Listaxe 5º de Educación Primaria

O mércores, día 15, terá lugar a presentación do documental "O segredo do Bosque" , estreado fai poucos meses, ao noso alumnado de quinto e sexto de primaria. Esta película obtivo o primeiro premio na Bienal Internacional de Cine Científico de Ronda.

O documental, rodado integramente en Guinea Ecuatorial, está inspirado nun conto africano que lanza unha mensaxe de protección á natureza.

Contaremos con Rocío Cadahía Fernández e Antonio Grunfeld Rius , responsable do guión e  director do filme respectivamente, para amosar esta historia aos nosos rapaces e rapazas e dar resposta ás súas preguntas e inquedanzas.

O día 24 de febreiro ao chegar á escola, agardábamos unha sorpresa: A anpa Andaravía para conmemorar o nacemento da escritora galega montou un Photocall na entrada do centro.

Moitos nenos e nenas, pais e profes puideron fotografarse con carautas de Rosalía ou portando algún dos títulos das súas obras. As fotos quedaron moi divertidas!!!

Grazas a anpa do cole por dinamizar esta conmemoración!!!

O pasado mércores, 15 de febreiro, visitáronnos dúas parellas de Madamas e Galáns de S. Adrián de Cobres. Bailaron dúas danzas tradicionais galegas para todo o alumnado.

As Madamas levaban moitos colares e ao bailar facÍan moito ruÍdo.

Despois, os de terceiro, fomos á biblioteca. Contáronnos como facían o traxe e fixémoslles moitas preguntas. Tamén nos explicaron: como se poñian os traxes, como facían o sombreiro, como cosían os abalorios, como se sacaban o traxe... Eran moi vistosos.

Algunhas das cousas que máis nos impresionaron foi que levaban moreas de abalorios por todo o corpo e que o sombreiro podía pesar ata 9 kg.

Alejandra e Laura S., alumnas de 3º