O martes 20 de decembro tivemos unha visita moi especial destas datas, o Apalpador que veu dende o Caurel a vernos para dicirnos que temos que alimentarnos ben e pasar moi ben estas datas tan familiares e especiais.

Ao principio costounos recoñecer quen era pero logo fartámonos de darlle apertas xa que ao pasar por debaixo da  nosa porta onde temos unha coroa de muérdago, como manda a tradición, é de obriga recibir APERTAS, BICOS OU CARICIAS!

Agrupamos as celebracións dos aniversarios por trimestres, polo tanto teremos ao longo do curso tres celebracións especiais: inverno, primavera e verán.

O martes 20 de decembro levamos a cabo a primeira FESTA, OS ANIVERSARIO DE INVERNO, onde culminaron as celebracións individuais de cada neno/a, o seu día propio cun ritual instaurado de CAIXA DE ANIVERSARIOS que consta de agasallo personalizado, puzle para simular as voltas ao sol que ten que dar a Terra arredor do Sol dende que el ou ela naceu, soplado de vela para formular previamente o seu desexo segredo.

Este trimestre cumpliron: Dani, Tomás, Marcos, Sara e Dalia.

Atendendo as tres tarefas que nos propuxeron as educadoras do museo para este trimestre  dentro do proxecto que levamos en común, foron:

• Investigación: fontes de Arzúa e a sua localización

• Reprodución: como vemos nós o cadro de Manuel Colmeiro "Na fonte"

• Creación : o arte da fotografía simulando as protagonistas do cadro que levan nas súas cabezas unha sella para recoller auga das fontes. cada nenos e nena representa nas súas cabezas o que máis lle gusta facer, o que máis lle preocupa, o seus soños ...

E agora toca agardar para o seguinte reto mentres que poñemos en común estas tarefas con infantil de 5 anos que tamén está desenvolvéndoo

Como ven sendo xa tradicional e típico a visita ao cine nestas datas, e en compañía do alumnado de 3º de primaria, os nenos e nenas de 1º de EP fomos hoxe ao cine á estrea do filme : O GATO CON BOTAS, O ÚLTIMO DESEXO.

Unha filme para traballar valores de moita índole pero sobre todo o amor ao que temos, a vivir intensamente a vida que temos en compañía dos e das que mais queremos xa que é unha, non hai outra e a amizade, un gran tesouro que fai que esta única vida que temos valga a pena.

Palabras como "molou" e sorrisos nas súas caras fannos entender que lles gustou moito e que desfrutaron do día de despedida do primeiro trimestre deste curso 2022-2023.

Unha boa maneira de rematalo aínda que nos queda mañá, unha xornada intensa chea de talleres textís, manucreativos e de cerámica! Xa vos contaremos!

Para rematar este trimestre o tradicional minifestival cunha curta que  parodia as DOCE CAMPANADAS para deixar atrás o 2022 e darlle unha boa benvida ao novo ano 2023:

Para a súa elaboración contamos cun elenco do mellor, 16 nenos e nenas que prepararon todo este traballo con ilusión, entrega, adicación  co guión, cos decorados e colaboración das familias co vestiario!

Ademais de decoracións diversas nos diferentes rincóns da aula: porta, rincón da iluminación ...

Relacionado co proxecto que estamos levando a cabo co Museo de Bellas Artes, no reto deste mes menciónase a obra de Isaac Díaz Pardo pola similitude ao que estamos traballando da obra de Manuel Colmeiro, A FONTE.

Nós non quixemos deixalo pasar e decidimos facer unha interpretación da súa obra: A rapaza que leva na súa cabeza un mundo de cousas que pode precisar na vida pero quixemos traballar sobre as nosas preocupacións, o que é imprescindible para nós, o que necesitamos para seguir vivindo...foi unha experiencia moi  intensa, cargada de tenrura e admiración: familia, miña nai, meu pai, miña irmá, as miñas aficións, a saúde dos meus, o fogar, o deporte, o fútbol, as nosas mascotas...

Este é un pequeno resumo da nosa participación en CODE WEEK, despois de pór en marcha unha serie de actividades para achegar ao noso alumnado ao mundo da programación con ordenador e sen ordenador, tal como anunciamos no mes de outubro.

Traballamos: linguaxe binario, pixel art, realidade aumentada, codificación en todos os ámbitos... seguiremos para ampliar a nosa formación neste eido e desenvolver a competencia STEAM.

Actividades co Ipad da profe: apps  e con diferentes robots como OZOBOT e BEEBOT

Diferentes tipos de linguaxes codificadas

 Linguaxe do abano

Unha das derradeiras actividades é HOUR OF CODE, onde a imaxe é a protagonista

Cada neno/nena en colaboración coas familias elaborou unha historia codificada, para pór de manifesto que non fai falta a linguaxe falada para poder contar unha historia e senón xa veredes:

Rematado novembro xa temos avanzado moito nas diferentes propostas para esta conmemoración, A CIENCIA. Achegámonos a este mundo nun ambiente de igualdade, non discriminación e sempre abertos e abertas a novas iniciativas que vaian xurdindo das pequenas cabezas pensantes do alumndado deste nivel e deste grupo, concretamente.

Dentro da conmemoracións a celebrar neste curso está o Día da Constitución Española e do Estatuto de Autonomía de Galicia o día 6 de decembro.

En primeiro de primaria tratamos o tema antes desta data para saber o por que dun día festivo, que non hai clase, da importancia destes dous textos, o seu significado e o seu contido:

• A CONSTITUCIÓN ESPAÑOLA, aprobada en 1978.
• O ESTATUTO DE AUTONOMÍA, tres anos mais tarde en 1981.

 Seguiremos traballando!!!! 

 Unha actividade dentro do MES DA CIENCIA é a visita á Biblioteca do IES de Arzúa, que ten unha exposición de aparatos pezas de museo.

A tecnoloxía usa o coñecemento da ciencia e a ciencia avanza  na medida en que dispón de novos avances tecnolóxicos. Conceptos tan coñecidos I+D+i deben ser ben entendidos:

• INVESTIGACIÓN: ampliar o coñecemento científico.
• DESENVOLVEMENTO: aplicación dos resultados obtidos para deseñar novos bens ou servizos ou para mellorar os existentes.
• INNOVACIÓN: lanzar ao mercado algo novo, froito do deseño levado a cabo na investigación.

Disto imos aproveitar unha exposición na Biblioteca do Ies para observar unha serie de ferramentas informáticas, de ofimática e audiovisuais, que estando agora xa obsoletas e sendo xa pezas de museo, serven para que a rapazada viva en primeira persoa, toque, manipule e experimente, con tecnoloxías obsoletas qu enon hai moitos anos estaban á vangarda da ciencia: proxector de opacos, radiocasette, cintas de cassete, video VHS, máquina de escribir mecánica, filminas, diskettes... 

Foi moi interesante esta visita e toda a información que nos fixeron chegar de todos os aparatos que ali vimos: "Aparatos prehistóricos, case" dicían dada a súa curta idade.

Grazas ao profesorado que veu atendernos e facernos sentir as personas maís grandes do mundo cando alí eramos os máis pequenos.  "Sentímonos importantes e famosos" palabras textuais dalgún pequeno e "ricos" polos agasallos recibidos, e así o manifestaron ás familias ás que lles contaron o vivido.

 E ademais tivemos a gran sorte de facer un pouquiño de filosofía cunha frase de Isaac Newton e construir pontes ente a xustiza e a inxustiza, onde nos invitaron a participar e elaborar un corredor cun muro cheo de cousas malas e unha zona chea de sabedoría e cousas boas. Había un moucho!!!!

GRAZAS INFINITAS POR ESTA ACTIVIDADE CHEA DE SABEDORÍA!