Desfrutade moito do verán, e sempre acompañados e acompañadas dunha boa lectura!

Moitas grazas por axudar tanto na biblioteca escolar este curso 2023/24. Sorte na vosa nova etapa e que teñades un maravilloso verán!

Xa non queda nada para rematar este curso escolar, e non hai nada mellor que rematar estas semanas cun pequeno taller de iniciación ao debuxo dixital.

Para iso, agora que xa temos actualizada a nosa tablet da biblioteca cun lápiz dixital, o alumnado de 5º de Primaria comezou o deseño dun mazo de cartas para xogar ao Dixit, un dos xogos populares da biblioteca.

Primeiro crearon o seu propio deseño en papel, para despois importalo no programa de debuxo dixital e traballar co perfilador, as texturas, as cores... É un traballo que leva o seu tempo! E por iso agora o importante é inicialos neste tipo de aplicacións de deseño, para traballair máis a fondo o próximo curso e que o mesmo alumnado que aprendeu neste taller poida ensinar aos seus compañeiros e compañeiras doutros ciclos.

E así de preciosas e orixinais están a quedar as primeiras cartas creadas dixitalmente:

 

 

 

 

 

 

A semana do 22 ao 26 de Abril celebramos a Semana do libro no noso cole! Fixemos un mural relacionado coa temática anual, "Unha ventá aberta ao mundo", que leva por título "Un conto a bordo". Neste mural amosamos as diferentes procedencias de contos e historias moi coñecidos polos nenos e nenas  cun mapa que conecta, mediante fíos, as maletas da orixe dos contos e a súa portada correspondente, decorados por todos os cursos do centro escolar.

Ademais, as titoras levaron a cabo diferentes actividades relacionadas con esta conmemoración, como marcapáxinas, decoración para as portas da aula...

  

                           

 

E para rematar, o venres os nenos e nenas de 2º e 3º de EP tiveron un obradoiro de poesía con Claudia Castro! 

Para recibir á primavera, este mes de abril na Biblioteca escolar realizamos un taller de estampado con flores en camisetas cos nenos e nenas de Educación Infantil, dentro do programa de Bibliotecas Creativas.

Esmagando flores e follas coa man dun morteiro, tintamos de forma natural a tela, e todo quedou impregnado do aroma das flores! 

Moitas gracias ás mestras de Infantil pola colaboración neste taller! Podedes ver a publicación no blogue da biblioteca, PREME AQUÍ

Coa axuda das mestras de Educación Infantil, que propuxeron este taller para Biblioteca Creativa, o mércores 28 deste mes de febreiro, Aparicio veu ao cole para realizar un taller cos nenos e nenas máis cativos. 

Todas as aulas de E.I subiron ao salón de actos para facer figuras de barro cos moldes que trouxo Aparicio, para despois aplicar un esmalte e decorar a nosa figura.

 

 

 

 

 

 

Para achegar aos nenos e nenas ás innumerables habilidades cognitivas que proporciona o xadrez, este curso escolar introducimos uns obradoiros de xadrez na biblioteca, da man de Fernando Sánchez, para que os diversos grupos aprendan máis sobre este deporte que tanto axuda á estratexia, ao pensamento flexible e a concentración.

Para este entroido 2024, o CEIP de Arzúa realizou un pequeno desfile polas rúas de Arzúa amosando os diferentes disfraces que prepararon os nenos e nenas coa temática dunha ventá aberta ao mundo. 

Podedes ler a publicación completa no blogue, PREME AQUÍ

Xa temos o mural para o Día da Educación, no que expoñemos un pequeno "dicionario" con verbos e imaxes relacionados con esta conmemoración, lembrando o afortunados e afortunadas que somos por ter acceso á Educación, xa que ten un papel fundamental nas nosas vidas.

Podedes ver o interior do Dicionario mundial da educación que fixemos entre as distintas aulas neste formato revista AQUÍ