Olimpíadas 2015 da Formación Profesional
Olimpíadas Nacionais de Formación Profesional: Spainskills 2015
Do día 5 ao 9 de maio celebrarase en Ifema (Madrid) a 35 edición das Olimpíadas de Formación Profesional, Spainskills 2015, están organizadas polo Ministerio de Educación, Cultura e Deporte en colaboración coas Comunidades Autónomas e as cidades autónomas de Ceuta e Melilla.
Representación galega na Olimpíada 2015
Galicia presenta 15 competidores que participan en 14 skills. Estes competidores son os gañadores das medallas de ouro da III edición dos Campionatos Galegos da Formación Profesional Galiciaskills 2014, celebrados no mes de outubro do 2014.
Na seguinte ligazón relaciónanse os skills nos que Galicia participa, centro educativo, alumno competidor e o seu profesor titor.
Un total de 8 alumnas e alumnos da Formación Profesional galega viron recoñecida a súa valía nas olimpíadas nacionais da FP.