Publicados os exames e as respostas da convocatoria 2019 de probas de acceso a ciclos formativos de grao superior.

Publicada a Resolución do 9 de abril de 2019, da Dirección Xeral de Educación, Formación Profesional e Innovación Educativa, pola que se resolve seleccionar os centros educativos que, con carácter experimental, conformarán a Rede Galega de Dinamización da FP dual e nomear as persoas responsables da dinamización da FP dual en cada centro.

• Resolución do 9 de abril de 2019

Próximamente será publicada no Diario Oficial de Galicia a Orde do 9 de abril de 2019 pola que se establecen as bases reguladoras e se convocan cen bolsas para a mocidade do exterior, co fin de cursar estudos de formación profesional de grao superior que se inicien no curso académico 2019-2020 nun centro de Galicia con ensinanzas sostidas con fondos públicos (ED333A).

• Borrador da Orde do 9 de abril de 2019

Publicadas as listaxes provisionais de persoas admitidas e excluídas e as listaxes de exención para as probas de acceso a ciclos formativos de grao medio.

Período de reclamación: do día 8 ao 12 de abril, ambos os dous incluídos, no centro onde se presentou a solicitude de inscrición.

Publicada a convocatoria de estadías formativas en empresas ou institucións para o ano 2019 destinadas ao funcionariado docente non universitario.

Na seguinte ligazón pode consultar as persoas destinatarias, duración, documentación, lugar de presentación de solicitudes e máis información de interese.

    - Máis información

Entre o 27 e 29 de marzo de 2019 celebrarase o campionato nacional de Formación Profesional, Spainskills 2019, organizado polo Ministerio de Educación e Formación Profesional en colaboración coas comunidades autónomas e as cidades autónomas de Ceuta e Melilla.

Galicia presenta 28 competidores que participan en 26 skills. Estes competidores son os gañadores das medallas de ouro da V edición dos Campionatos Galegos da Formación Profesional Galiciaskills 2018, celebrados en Silleda no mes de novembro do 2018.

A Asociación Provincial de Empresarios da Primeira Transformación da Madeira de Lugo organiza visitas a explotacións forestais para centros educativos de Galicia, co obxectivo de dar a coñecer ao alumnado o sector forestal, imprescindible para a xeración de emprego e riqueza no rural.