Onte tivo lugar o acto de clausura do programa Atrévete e a entrega de premios do concurso "Atrévete a ter unha idea" no CIFP Politécnico de Santiago.

O programa Atrévete, enmarcado dentro do plan de emprendemento Eduemprende, nace da colaboración entre a Consellería de Cultura, Educación, Formación Profesional e Universidades e diferentes asociacións e grupos empresariais, sendo o seu obxectivo prioritario o impulso da cultura emprendedora.

Ao longo deste curso o alumnado de primaria e secundaria de diferentes centros educativos de Galicia, a través do programa Atrévete, tivo a oportunidade de coñecer e acercarse ao tecido empresarial e produtivo visitando centros educativos onde se imparten ensinanzas de formación profesional e empresas. Así mesmo, puideron participar no concurso "Atrévete a ter unha idea" aportando un vídeo no que explican unha idea de negocio relacionada con diferentes especialidades da Formación Profesional.