Este programa, que se desenvolve no marco do Plan eduemprende, vai dirixido a fomentar, motivar e sensibilizar ao alumnado de 3º e 4º de educación primaria no espírito emprendedor.

O obxectivo de este programa é dar a coñecer ao alumnado, practicar e fortalecer seis competencias que os converterán en auténticos Superlíderes: a motivación, o enxeño, a comunicación, a fascinación, a negociación e a capacidade de traballar e dirixir equipos.

Esta convocatoria vai dirixida ao alumnado de 3º e 4º de Educación Primaria de centros educativos sostidos con fondos públicos dependentes da Consellería de Cultura, Educación e Ordenación Universitaria.

As distintas actividades desta convocatoria desenvolveranse dende o mes de outubro ata o mes de abril.

O prazo de presentación de solicitudes amplíase ata o 11/10/2018.

• Información xeral da convocatoria
• Nova sobre a ampliación do prazo de solicitude
• Xornada formativa do programa Superlíderes. Centros participantes

Fase final e gala de entrega de premios do programa Superlíderes 2018-2019

O día 9 de abril celebrouse a fase final e a gala de entrega de premios do programa Superlíderes 2018-2019 nas instalacións da Escola Galega da Administración Pública (EGAP).

Os centros participantes foron os seguintes:

• CEP Plurilingüe de Ventín (Ames)
• CPR Plurilingüe La Inmaculada (Santiago de Compostela)
• CEIP Flavia (Padrón)
• CPR Plurilingüe Padre Feijoo Zorelle (Ourense)
• CEIP de Espedregada (Poio)
• CEIP de Ponte Sampaio (Pontevedra)
• CPR Plurilingüe Atalaya - Cantabria (Vigo)

Os retos desenvolvidos polo alumnado de 3º e 4º curso de primaria participantes foron:

1. Reto motivador: Educar en igualdade é un dos grandes retos da nosa sociedade.
2. Reto creativo: O cambio climático e a contaminación son dous grandes retos para garantir o futuro do noso planeta.
3. Reto comunicativo: Cremos que a comunicación emocional, a convivencia de razas e culturas e a linguaxe inclusiva son activos esenciais nas nosas aulas. Desexamos loitar nas aulas contra os bulos, as noticias falsas e a adicción ás novas tecnoloxías.
4. Reto persuasor: Somos a dirección do teu cetro educativo e decidimos organizar unha xornada de portas abertas para convencer ás familias locais dos beneficios de matricular aos seus fillos e fillas no noso centro.
5. Reto negociador: Refutar o seguinte argumento da AMPA do noso centro educativo: “Os nenos e as nenas non deben usar os móbiles ata os dez anos”. Reto director: Presentación dunha infografía do que debe ser un líder.

Despois de que o alumnado de 3º e 4º de primaria seleccionado por cada centro educativo para competir nos retos mencionados finalizase a súa competición, os xurados propuxeron como gañadores de 3º curso aos seguintes:

No caso de 4º curso o alumnado gañador foi o seguinte::

Pola súa banda, o premio Supercolexio foi para o centro CEIP Flavia por acadar a maior puntuación nas participacións do seu alumnado.

Ademais dos diplomas acreditativos o alumnado gañador recibiu como agasallo, en función do curso polo que competían, kits de robótica e drons.