A Dirección Xeral de Formación Profesional, velará pola calidade de todas as accións e os servizos do Sistema de Formación Profesional. Estableceranse regulamentariamente os instrumentos de verificación da calidade, e os sistemas de certificación de centros de formación profesional e de empresas ou organismos equiparados.

O traballo por procesos implica un sistema de organización que garante a calidade do servizo. A devandita calidade queda reflectida, de forma evidente, na rede de Centros Certificados e Centros Integrados de Formación Profesional da que dispón a Consellería de Educación, Ciencia, Universidades e Formación Profesional.

A Rede de Centros Certificados na norma ISO 9001:2015 está sometida a un sistema de traballo por procesos que busca a satisfacción de toda a comunidade educativa (alumnado, familias, persoal docente e non docente) e garantir os dereitos das persoas usuarias, someténdose a auditorías (externas e internas) e reflectindo a súa traxectoria no certificado logrado.

A avaliación da calidade do Sistema de Formación Profesional realizarase conforme os indicadores establecidos no Marco Europeo de Garantía da Calidade da Formación Profesional (EQAVET).

Este Marco Europeo supón un reforzo á liña estratéxica establecida e despregada pola Dirección Xeral de Formación Profesional no referente á calidade ao permitir modernizar e facer máis eficaces os sistemas de educación e formación profesional; mellorar a articulación entre o ensino, a formación e o emprego; vincular a educación formal, non formal e informal e desenvolver a concesión de cualificación sobre a base da experiencia adquirida.

CONTACTO:

• Teléfonos da Asesoría de programas de mellora continua e da calidade: 881 596 539, 981 546 573
• Correo electrónico da Asesoría de programas de mellora continua e da calidade:
  calidade@edu.xunta.gal 
• Correo electrónico da Asesoría de Xestión de Procesos de Calidade de CIFP:
  calidade.cifp@edu.xunta.gal 
• Enderezo postal:

Consellería de Educación, Ciencia, Universidades e Formación Profesional.
Dirección Xeral de Formación Profesional
Asesoría de programas de mellora continua e da calidade
Edificio Administrativo San Caetano, s/n
Bloque 2
15781 Santiago de Compostela
A/A Asesoría de programas de mellora continua e da calidade: