As bibliotecas creativas e a diferenciación curricular
De un tempo a esta parte, as bibliotecas creativas convertéronse nun recurso ideal para potenciar os talentos de todo o alumnado, así como nunha ferramenta clave na diferenciación curricular, facendo delas un lugar onde nenas e nenos, sen importar as súas características, sempre teñen oportunidades de éxito.
A literatura creou moitas xeografías inventadas. Liliput, Ratonia, Metrópolis ou Hogwarts son algúns destes lugares que só existen na imaxinación, pero que o noso alumnado coñece a través da lectura.
