Probas de acceso a ciclos formativos de grao superior curso 2022-2023

Requisitos das persoas participantes

Persoas que non cumpran os requisitos académicos exixidos para acceder aos ciclos formativos e teñan  19 anos ou os fagan no ano de realización da proba.

Prazo de presentación de solicitudes

Entre o 23 de xaneiro e o 3 de febreiro de 2023, ambos os dous incluídos

Solicitude de inscrición

Via web en: https://www.edu.xunta.es/ciclosprobas/PaxinaInicio.do que estará activa durante o prazo de inscrición. Poderase cubrir a solicitude a través da aplicación dispoñible desde a páxina web http://www.edu.xunta.es/fp

O sistema xera unha instancia para imprimir que terá que ser entregada no centro de inscrición (pode ser calquera centro público dependente da Consellería de Cultura, Educación, Formación Profesional e Universidades con oferta de FP) acompañada da documentación que se indica na propia instancia. O centro procederá á  validación dunha copia e entregará outra para a persoa solicitante a efectos de resgardo. En tanto que non se efectúe este trámite non quedará feita a matrícula.

O centro de inscrición elixido pola persoa solicitante tomarase como referencia para a asignación da sede de realización da proba de acceso.

A certificación da superación da proba dará acceso aos ciclos formativos de grao superior relacionados coa opción escollida da parte específica da proba (ver anexo)

Estrutura e organización da proba

Respecto á parte específica da proba, na solicitude elixirase unha única opción (A, B ou C) e, dentro desa opción, escolleranse dúas materias.  

(Ver Anexo para materias especificas da opción vinculada ao CF)

Realización da proba

Data e hora, a proba realizarase  o día  20 de abril de 2023  no horario:  

• Presentación: ás 9:00 horas. 

• Parte común da proba: 

 – Das 9:30 ás 13:00 horas

  (Matemáticas, Lingua Galega e Lingua Castelá)

• Parte específica da proba : 

– Das 16:00 horas ás 18:30 horas (materias da opción vinculada ao ciclo formativo ao que se desexe acceder)

Documentación que cómpre levar e material para utilizar

O día da proba cómpre levar o documento oficial de identidade e copia da folla da solicitude de inscrición.

Poderanse utilizar os seguintes materiais:

 Bolígrafos de tinta negra ou azul (ningunha outra cor).

 Calculadora científica, agás que sexa programable, gráfica ou con capacidade para almacenar e transmitir datos. Soamente se pode empregar nas probas de Matemáticas, Física, Tecnoloxía industrial, Química e Economía da Empresa.

 Lapis, compás, regra, escuadro e cartabón, en Debuxo técnico.

Non se admitirá ningún aparello capaz de recibir, transmitir nin almacenar información, como, por exemplo, teléfonos móbiles.

O tribunal dará as instrucións pertinentes para o correcto desenvolvemento das probas. Non seguilas será causa de exclusión.

Conservación da cualificación obtida nas partes superadas

Para quen realizara a proba na comunidade autónoma de Galicia e NON a superara na súa totalidade, a certificación permitirá manter a cualificación obtida nas partes superadas cunha puntuación igual ou superior a cinco durante un máximo de dous anos nas convocatorias de probas de acceso a ciclos formativos en Galicia (os dous anos seguintes).

Cualificacións: Como se calcula a nota da proba de acceso?

A cualificación de cada parte da proba (común e específica) será numérica, entre cero e dez puntos.

Para calcular a media da nota de cada parte non é preciso ter unha nota mínima nas materias que constitúen esa parte.

A nota final da proba calcularase sempre que se obteña polo menos unha puntuación de 4,00 puntos en cada parte (común e específica) e será a media aritmética destas, expresada con dous decimais.

Será positiva a cualificación de 5,00 puntos ou superior. En caso contrario, a nota final cualificarase como “non apto/a”.

As listas provisionais e definitivas relacionadas co procedemento publicaranse no taboleiro de anuncios do centro público onde se fixera a inscrición e na páxina web http://www.edu.xunta. gal /fp . Os datos de identificación (nome, apelidos e DNI) serán substituídos por un código persoal de consulta (CPC).

Pode perder validez a certificación de superación da proba de acceso?

Non; a superación da totalidade da proba ten validez indefinida

Anexo. Familias profesionais e ciclos formativos aos que se pode acceder segundo a opción da parte específica