Orientación COVID-19.

Desde o departamento de orientación do IES Xermán Ancochea Quevedo, ca finalidade de axudar ao alumnado a organizar as súas actividades escolares, autorregular a súa aprendizaxe e manter un bo estado emocional, queremos informar sobre o modo de traballo a seguir durante o período de suspensión da actividade lectiva regulada, como consecuencia da situación creada polo COVID-19, adaptando deste xeito, o modelo de titorías a este novo contexto no que nos atopamos.
Descríbense, a continuación, algunhas das actividades desenvolvidas desde o departamento para a atención do alumnado e as súas familias:

• Publicación de enlaces con información útil para afrontar con mellor predisposición a situación que estamos vivindo:

• Recomendacións do Colexio Oficial de Psicoloxía de Galicia.

• 10 consellos para coidarnos.

• Pautas para reducir o impacto psicolóxico do confinamento por coronavirus.

• Axenda para adolescentes confinados.

• Deixamos outra entrada, en forma de infografía, para afondar un pouquiño na organización do estudo nestes raros tempos de confinamento:

• No que atinxe ás actividades de orientación académica e profesional, especialmente relevantes na época do curso na que estamos, pódese consultar o artigo publicado nesta mesma páxina web, onde atoparedes os esquemas de orientación cos que vimos traballando habitualmente así como outros recursos interesantes, como por exemplo blogueorientagal, o blogue do departamento de orientación, onde se poden ver as presentacións elaboradas para cada un dos cursos. Para o caso concreto do alumnado de 2º de bacharelato, ademáis destes recursos, vense utilizando xa con anterioridade a esta situación a aula virtual.

• Publicación na páxina web do centro de artigos relacionados con diferentes propostas e convocatorias de interese para o alumnado:

  • Encontros virtuais da USC.

  • Novidades na oferta do SUG para o curso 2020/2021.

  • Xornadas da Universidade de Vigo.

  • Información do Centro Superior de Hostelería de Galicia.

  • Concurso Eduemprende Idea 2020.

• Complementariamente a estas accións, intentarase manter comunicación telefónica co alumnado do centro e propostas de titorías telemáticas por cursos a través da aplicación Cisco Webex, prioritariamente con aquel que se atopa matriculado nalgún dos cursos finais de cada unha das etapas educativas.

No caso de precisar realizar algunha consulta relacionada co departamento de orientación, podedes utilizar calquera destes canais:

• Por correo electrónico:

  • orientatrives@gmail.com

  • ies.xerman.ancochea@edu.xunta.es

• Aula virtual (só no caso de alumnado de 2º de bacharelato).

• Comunicación telefónica: enviade unha mensaxe co voso número de teléfono ao correo electrónico indicado e contactaremos a maior brevidade posible.

Seguiremos informando…

Un saúdo e moito ánimo!!