Saída TEATRO e CIDADE DA CULTURA

O alumnado do instituto viaxa a Santiago para ir ao teatro e á Cidade da Cultura. Pola mañá, asistirá á función teatral, Sofía e as postsocráticas de Inversa Teatro, pequenas pezas literarias inspiradas nas fábulas de Esopo que versan sobre a violencia machista. Pola tarde, visita a Cidade da Cultura para ver "A derradeira leición do mestre", cadro pintado por Alfonso Daniel Rodríguez Castelao que recolle a brutalidade da represión franquista na Guerra Civil, e que se atopa por primeira vez en Galicia.