No BOE de 3 de abril de 2023 publícase o extracto da convocatoria. O texto completo pódese consultar na Base de Datos Nacional de Subvencións

Prazo de presentación de solicitudes: desde o día 26 de abril de ata o 25 de maio de 2023

Obxectivo:

Premiar aos alumnos e alumnas de mellor expediente académico nos estudos de Bacharelato.

Destinatarios:

Alumnado que rematase os seus estudos de Bacharelato nun centro da Comunidade Autónoma de Galicia e obtivese unha cualificación media igual ou superior a 8,75.

Características:

Realizarase unha proba o día 14 de xuño de 2023.

Os alumnos e alumnas que obtivesen un Premio extraordinario de bacharelato:

• Recibirán un premio en metálico.
• Exención de pago de matrícula no primeiro curso da Universidade.
• Optarán aos  Premios Nacionais de Bacharelato.

Convocatoria 2023:

• Orde do 20 de marzo de 2023 (DOG)
• Extracto da Orde do 20 de marzo de 2023 (DOG)

Persoas beneficiarias

Alumnado que finalice os estudos de bacharelato no curso 2022/23 nun centro docente

da Comunidade Autónoma de Galicia, ben na modalidade presencial ou na modalidade a

distancia, sexa proposto para título na convocatoria ordinaria do dito curso e obtivese unha

nota media do bacharelato igual ou superior a 8,75.

Importe

Vinte premios extraordinarios. Cada premio estará dotado con 1.000 €.

Prazo de presentación de solicitudes

Desde o día 26 de abril de 2023 ata o 25 de maio de 2023.

Estrutura da proba

1. A proba estruturarase en dúas partes:

1.1. Primeira parte, que se desenvolverá en dúas horas:

1.1.1. Análise e comentario crítico dun texto sobre un tema de carácter xeral, histórico,

filosófico ou literario.

1.1.2. Resposta a cuestións de carácter cultural ou lingüístico sobre un texto na Primeira

Lingua Estranxeira II cursada polo alumnado como materia xeral do bloque de materias

troncais do bacharelato. O exercicio realizarase sen dicionario no idioma correspondente.

1.2. Segunda parte, que se desenvolverá nunha hora:

Desenvolvemento de temas, respostas a cuestións e/ou exercicios prácticos dunha materia

xeral do bloque de materias troncais cursada polo alumnado, que se elixirá entre as

seguintes: Matemáticas II, Matemáticas Aplicadas ás Ciencias Sociais II, Latín II e Fundamentos

da Arte II.

2. Os exercicios da proba cualificaranse entre 0 e 10 puntos cun decimal.

3. A puntuación de cada parte da proba obterase mediante a suma das puntuacións das

materias que a compoñen.

4. A puntuación total será a suma das puntuacións obtidas en cada parte da proba. Para

aspirar ao premio extraordinario, o alumnado deberá obter como mínimo 5 puntos en cada

unha das materias da proba e 21 puntos ou máis na puntuación total.

5. O número de premios propostos non pode ser superior ao que resulte da aplicación do artigo 2 desta orde, polo que no caso de empate entre persoas candidatas se dará preferencia á mellor nota media; despois, á puntuación da primeira parte da proba e, finalmente,  á puntuación da segunda parte desta. De persistir o empate, o tribunal realizará un sorteo.

Nuria González Diéguez, alumna de segundo de bacharelato, é unha das 80 estudantes galegas que fará as probas este venres na Coruña

Moi orgullosos estamos no IES Xermán Ancochea da Pobra de Trives, de que unha das nosas alumnas de 2º de Bacharelato fose seleccionada para participar na XIV Olimpíada de Bioloxía, que se celebrará este venres 18 de xaneiro na Facultade de Ciencias da Universidade da Coruña.

Nuria González Diéguez, magnífica compañeira e cun excelente expediente académico (necesario para poder concursar, xa que só se admiten 80 participantes de toda Galicia), acolleu con moita ilusión desde o primeiro momento a proposta de participación na olimpíada. Tanto a súa profesora de bioloxía, Lucía Cougil Álvarez, como o conxunto da comunidade educativa, consideramos que é unha experiencia moi boa para ela, tanto polo recoñecemento que supón ao seu esforzo, como para enriquecer a súa experiencia persoal, pois é unha nova oportunidade de aprendizaxe.