Coñecendo a vila de Manuel Antonio e Castelao
Enviado por admin o Xov, 27/10/2022 - 21:45O alumnado de 2º de Bacharelado visitou este luns a vila de Rianxo e tivo a oportunidade de coñecer máis de preto a historia de Manuel Antonio e Daniel R. Castelao. Visitaron o Museo do Mar, a Casa Museo de Manuel Antonio e mentres a chuvia o permitiu realizaron un roteiro por diferentes espazos da vila.
Outro xeito de nos achergarmos á vida destes autores!
SAMAÍN NO VAL DO TEA
Enviado por admin o Mér, 12/10/2022 - 20:54O mes de outubro vén cheo de concursos para o noso alumnado!
Con motivo do Samaín, poderedes decorar as portas das aulas e participar no concurso "Portas do terror". Tamén podedes engalanar as aulas. A temática deberá ser terroríííífica.
DATA LÍMITE: 27 DE OUTUBRO
Ademais de decorar, "Toca cociñar!". Convidámosvos a participar na II edición do noso concurso de doces. Debedes respectar as bases do concurso que indicamos a continuación:
- Elabora un doce.
- Decórao para que sexa máis vistoso. A temática é o Samaín.
- Copia nun papel a receita indicando ben claro os ingredientes que empregaches. Por suposto, EN GALEGO.
- Pensa nun seudónimo que che guste e anótao no papel da receita. (O teu nome só debe sabelo a persoa encargada de recoller os doces).
- O día da entrega será o 28 DE OUTUBRO antes do 1º recreo.
- Durante o 1º e 2º recreo o xurado seleccionará os doces gañadores que recibirán interesantísimos premios!
VISITA DE LUZ FANDIÑO
Enviado por admin o Lun, 10/10/2022 - 13:32No mes de setembro estivo connosco Luz Fandiño, protagonista do documental A poeta analfabeta e exemplo de muller loitadora e rebelde. Falou co alumnado de 1º de Bacharelato da súa experiencia de vida e tamén da súa obra.
Velaquí un poema desta autora ao que Ses puxo música e voz no seu disco Liberar as arterias:
Eu son da clase dos poetas
descoñecidos e ignorados
para os que nunca se fixeron premios
nin nunca son publicados.
Son a poeta daqueles
que loitan por saír de escravos
Son a poeta daqueles
aos que todo lles foi negado
Eu son a poeta daqueles
que sobreviven do emprestado
A poeta analfabeta
Poeta dos desherdados
Son a poeta daqueles
aos que todo lles foi negado.
Son a poeta daqueles
que loitan por saír de escarvos.
XORNADA DE PRESENTACIÓN PARA AS FAMILIAS
O martes 20 de setembro terá lugar a xornada de presentación para as familias no salón de actos do centro.
Haberá unha presentación conxunta por nivel (ver horas de presentación para cada nivel na imaxe), e de seguido as familias acompañarán a cada titora/ titor de grupo ás aulas de referencia do alumnado para recibir información máis polo miúdo.
Prema no documento adxunto para ver a imaxe en pdf.
Cualificacións provisionais das probas extraordinarias de hípica
Enviado por admin o Lun, 12/09/2022 - 10:45Publícase no documento adxunto as cualificacións provisionais das probas extraordinarias de hípica.
LISTAXE DEFINITIVA LIBROS DE TEXTO 22-23
Publícase no documento adxunto a listaxe definitiva dos libros de texto para o presente curso 22-23.
FUNCIONALIDADES DE ABALAR MÓBIL
Neste enlace podemos ver as funcionalidades de Abalar Móbil (xustificación de faltas, petición titorías, etc)
LISTAXE DEFINITIVA DE INSCRITOS Á PROBA DE ACCESO EXTRAORDINARIOA ÁS ENSINANZAS DEPORTIVAS DO CICLO INCIAL NA MODALIDADE DE HÍPICA
Enviado por admin o Mér, 07/09/2022 - 09:51Publícase no documento adxunto a listaxe definitiva de inscritos á proba de acceso extraordinaria ás ensinanzas deportivas do ciclo inicial na modalidade de hípica
- « primeira
- ‹ anterior
- …
- 27
- 28
- 29
- 30
- 31
- 32
- 33
- 34
- 35
- …
- seguinte ›
- última »