Saídas didácticas
Participamos na XVIII edición de Esculturas de area na Lanzada
Enviado por admin o Mér, 29/05/2024 - 09:26O pasado luns o alumnado de 3º ESO participou na actividade Esculturas de area, organizada un ano máis polo IES Monte da Vila de O Grove, unha experiencia diferente e que gustou moito ao alumnado. E para mostra, compartímosvos algunhas imaxes da xornada!
I Intercentros de teatro (IES Pazo da Mercé)
Enviado por admin o Ven, 10/05/2024 - 12:28No día de onte, o alumnado de Artes Escénicas participou no 1º Intercentros de teatro organizado polo IES Pazo da Mercé. Ao longo da mañá participaron en diferentes obradoiros impartidos por alumnado da ESAD: texto, improvisación, voz, expresión corporal, clown e escena, todos eles organizados en diferentes lugares dos arredores do centro.
Sen dúbida unha xornada moi enriquedora! Agardamos impacientes pola próxima edición!
O cartel promocional da xornada é obra da nosa alumna Noa P. C. de 2º Bacharelato de Artes, quen capturou perfectamente o espírito desta xornada.
Visitamos a Feira dos minerais de Guláns
Enviado por admin o Lun, 06/05/2024 - 10:03Como xa é tradición, un ano máis volvemos á Feira dos minerais de Guláns! Nesta ocasión foi o alumnado de 1º ESO o que asistiu. Ademais de visitar a feira, tiveron ocasión de participar en diferentes obradoiros de identificación de minerais e Mineraloxía.
III Encontro de Comandos de Igualdade
Enviado por admin o Ven, 26/04/2024 - 17:50Hoxe os membros do Equipo de Igualdade do IES Val do Tea asistimos ó III Encontro de Comandos de Igualdade da provincia de Pontevedra. Talleres, un pequeno concerto de Su Garrido Pombo, micro aberto e outras actividades formaron parte desta marabillosa xornada.
Volvemos con novas ideas, formación e moita forza para seguir con este proxecto!
Unha nova xornada deportiva Intercentros!
Enviado por admin o Ven, 19/04/2024 - 09:04O pasado día 10 parte do alumnado do noso centro participou nunha nova xornada deportiva Intercentros, desta volta xogando ao baloncesto e ao voleibol.
Como podedes ver nas imaxes foi unha mañá ben aproveitada!
Visitamos a Aula Newton
Enviado por admin o Lun, 15/04/2024 - 10:00O pasado venres, o alumnado do Bacharelato de Ciencias tivo a oportunidade de coñecer a Aula Newton. Trátase dunha aula de aprendizaxe de Ciencias, Tecnoloxía, Enxeñaría e Matemáticas (STEM) destinada a promover as carreiras científicas e tecnolóxicas entre a mocidade cun enfoque totalmente práctico e moi innovador.
Sen dúbida foron unhas horas ben aproveitadas.
Unha semana chea de novas experiencias
Enviado por admin o Lun, 25/03/2024 - 18:54Semana das viaxes no VdT
Enviado por admin o Sáb, 23/03/2024 - 13:19Rematou unha semana chea de novas aventuras!
Mentres o alumnado de 2º ESO aprendía a esquiar en Andorra, os rapaces e rapazas de 4º ESO pasaban a semana percorrendo as rúas de Barcelona, Tarragona e, como non, PortAventura!
Pola súa parte, o alumnado de 2º Bacharelato practicaba inglés e descubría o encanto de Edimburgo e os seus arredores.
Máis preto da casa, pero non por iso menos interesante, as alumnas e alumnos de Antropoloxía pasaron uns días percorrendo diversos museos da nosa xeografía.
Sen dúbida, unha semana para recordar. Agardamos que disfrutásedes da experiencia!
Coñecemos máis de preto a Universidade de Vigo
Enviado por admin o Mér, 13/03/2024 - 22:55Parte do noso alumnado de 2º Bacharelato visitou este luns a Universidade de Vigo, na procura de seguir orientando o seu futuro máis inmediato!
O vindeiro curso, moitas das nosas alumnas e alumnos volverán percorrer os corredores da UVigo ou de calquera outra universidade, continuando camiño cara a un futuro que lles auguramos realmente prometedor!
Visitamos a vila de Castelao e Manuel Antonio
Enviado por admin o Lun, 04/03/2024 - 23:30Como xa é habitual no noso centro, un ano máis o alumnado de 2º Bacharelato tivo a oportunidade de visitar a vila natal de Castelao e Manuel Antonio e achegarse así máis de preto á vida e obra destas grandes figuras da nosa historia. Malia que chova, Rianxo é visita obrigada!
- 1
- 2
- 3
- 4
- seguinte ›
- última »