O luns 28 de outubro, o alumnado de 1º da ESO xunto co alumnado dos Ciclos Básicos, realizaron unha visita ao Complexo Medioambiental de Cerceda, SOGAMA. A visita consistiu nunha charla formativa sobre as instalacións e unha viaxe virtual polo complexo. A saída foi organizada polos Departamentos de Tecnoloxía e Ciencias Naturais.

O 14 de outubro ás 15:40h reuníronse con Sabela as alumnas de 3º e 4º da ESO pertencentes ao club de lectura "O Recuncho da tinta violeta". O libro que lerán este mes será Enid de Malika Ferdicukh. O primeiro luns de cada mes quedarán na Biblioteca para conversar sobre o libro lido e decidir cal será o próximo en ler. A gozar da lectura!