En cumprimento do protocolo aprobado na Orde do 4 de xaneiro de 2024 da Consellería de Cultura, Educación, Formación Profesional e Universidades sobre o uso dos teléfonos móbiles e dispositivos electrónicos nos centros educativos, a partir do 8 de xaneiro de 2023, queda prohibido no centro educativo, o uso de teléfonos móbiles e outros dispositivos electrónicos durante toda a xornada escolar (períodos lectivos, entradas e saídas, tempo de recreo, de comedor escolar e períodos dedicados ao desenvolvemento de actividades complementarias e extraescolares).

Exceptuarase desta restrición o emprego dos dispositivos indicados como ferramenta pedagóxica supervisada polo profesorado ou por cuestións de oportunidade ou necesidades, médicas ou de outra índole, sempre e cando o motivo estea xustificado e sexa autorizado pola dirección do centro, ou, de non ser isto posible, polo profesorado. Consultar a Orde do uso dos móbiles

O martes 12 de decembro retomamos, despois do tempo de pandemia, a tradición de percorrer as salas do Museo de Belas Artes da Coruña, conducidos polas persoas que curso tras curso veñen encargándose, con éxito, desta imprescindible tarefa de achegamento á Arte. É esta unha experiencia que sempre resulta gratificante para o alumnado por ser a primeira vez que se achega a un museo destas características. Nesta ocasión, fixemos tamén unha visita, demasiado curta temporalmente, ao Museo Arqueolóxico. Se queres coñecer algunhas das opinións dos alumnos/as sobre a visita: prema aquí.