Fotos e resumo das XXIII Xornadas de Orientación ao Emprego

Xa quedaron atrás as XXIII XORNADAS DE ORIENTACIÓN AO EMPREGO.

LEMBRANZAS DESTE ANO…

Empezamos o martes 31 de xaneiro, trala inauguración por parte de Dna. Cristina Lesta, Subdirectora Xeral de Innovación Profesional e Coordinación co Sistema Produtivo, comezaba o primeiro día das xornadas cargado de enerxía positiva cunha actividade sobre marketing dixital “Así te ven así te valoran”. A mañá continuou con Carlos Zulueta e Rubén Outeda contándonos as súas enriquecedoras experiencias emprendedoras. Ao mesmo tempo o alumnado de FP Básica estaba acompañado de Victor Alcaine, Iván Villar e Sonia Gil nun espazo que inundaron de motivación e esforzo. E para rematar a mañá chegóunos Maruxa Álvarez dende a UVigo prendendo a nosa chispa.

Pola tarde Iria Álvarez falounos de Instagram e redes sociais para que non nós voen a cabeza. Deseguido chegaron Marta Garrido e Laura Domínguez, antigas alumnas do IES de Teis, que nós deixaron abraiadas coas súas experiencias. E pechamos o día conversando con Vicente Badenes da UVigo que nós explicou como comunicar ideas de negocio.

O mércores 1 febreiro contamos con persoas expertas realizando diferentes obradoiros para o alumnado de informática: Kike Fontán Hacking con buscadores, Jairo Ochoa creando unha tenda dixital, Rolando Caldas con Clean Code, Carlos Macías un pluguín básico e útil, Daniel Álvarez mapeo de procesos, Miguel Areán facendo algo en Net Core 6.0, David Martínez creando negocios dixitais, M.ª Xosé Saborido con ferramentas de desenvolvemento web e Saúl Molinero con traballo remoto.

O mesmo día e a mesma hora imaxe persoal contaba cos seus propios obradorios para desenvolver as súas competencias profesionais: cosmética natural e peiteado con Patricia Blanco e Juan Romany, depilación con fío a cargo de Paula Loureiro, Begoña Martínez reflesoloxía, Enrique Álvarez emprendendo dende a súa barbería, Nanda Costas con cosmética natural, Rosa Pintos orientando ao alumnado de peiteado, Rebeca García como experta en micropigmentación, Emilia Antelo innovando en hixiene facial. E por último, clausuramos as xornadas cun broche de ouro chegado dende Land Rober Tunai Show, Miguel Álvarez.

DESEXÁMOS QUE VOS GUSTARAN. MOITAS GRAZAS a todos e todas, alumnado e profesorado de Formación Profesional, pola vosa asistencia e participación activa, en especial ao alumnado de Asesoría de Imaxe Persoal e Corporativa, alumnado de Informática que realizou as gravacións e emisións en streaming con Cristina Castiñeira, alumnado e profesorado de imaxe persoal que elaborou os agasallos para os poñentes, alumnado e profesorado do IES Montecelo de Pontevedra que realizou as impresións de cartelería; a David Martín por deseñarnos o cartel e o díptico. E por suposto, moitas grazas ás empresas e entidades que colaboraron desinteresadamente nestas xornadas.

GRAZAS DE PARTE DE TODO O EQUIPO DE ORIENTACIÓN E EMPREGO, organizador das xornadas.